Home Policial Muher cu tabata causa molester na Beach na final a keda interna...

Muher cu tabata causa molester na Beach na final a keda interna na PAAZ

321
0
SHARE
- Advertisement -

ORANJESTAD (AAN): Den fin di siman ta masha hopi comentario tabatin relaciona cu e comportacion di Polis relaciona cu un aresto efectua na Eagle Beach.  Un video cu a circula riba Social Media, a pone hopi hende bira furioso cu loke nan a mira.

Diasabra ultimo, polis a reacciona cu e incidente cual a sosede diahuebs 19 April 2018 na Eagle Beach. DIARIO tambe a ricibi e informe policial.

Tabata diahuebs mainta pa alrededor di 10:15 am, cu Central di polis a dirigi patruya na Eagle Beach altura di Eagle Beach altura di Paradise Beach Villas.

Segun C. P. ta trata di un juffrouw cu probablemente tin problema metal y cu car stereo di su auto su volume ta alto ta balia sin respet.

Patruya na yegada a papia cu e personal di seguridad encarga na Paradise Beach Villas y el a bisa cu nan a yama polis, debi cu nan a ripara cu e muher su comportacion ta raro.

Segun e personal encarga cu seguridad, nan mes a purba di papia cu e señora encuestion, debi cu e ta toca musica duro via su car-stereo den auto. Esaki ta ocasiona molester pa otro bishitantenan.

Segun e personalnan di seguridad nan no por a papia debidamente cu e señora en cuestion y tambe seguridad a worde acerca tambe pa turistanan tocante e desordo cu e señora ta ocasionando.

E personal di seguridad di e hotel a indica polis e muher encuestion cu na e momento ey ta canando den direccion panort. Ademas e guardia a mustra e polisnan e bienesnan cu e muher a laga atras riba beach.

Polis a puntra e guardia di seguridad si e por tira un bista riba pertenencianan di e señora pa asina polisnan por bay atende e señora.

Esey a yuda pa Patruya a cana yega cerca e señora cual despues a haya sa cu su inicialnan ta De.G.

Polisnan a trata di papia na diferente ocasion cu e muher pero sin resultado positivo. E muher ta masha agresivo y di tabata di remate.  El a cuminsa zundra e agentenan dilanti di turistanan cu ta riba beach. Despues e muher cuminsa core den direccion pazuid y bay mesora direccion di su pertenencianan cual el a laga atras riba beach.

Patruya tambe a yega y a bolbe trata di papia cu e muhe y pa e calma. Pero el a bolbe cuminsa zundra e agentenan cu palabranan malo den diferente idioma.

Relaciona cu esaki polis a tene e muher De G. pa e calma pero el a resisti y poa su seguridad y otro polis a detene y a pone den boei. Tumando na cuenta su reaccion, comportacion y e forma cu e ta actua pa medio di Central di Polis a solicita presencia di ambulans nan e lugar pa controla salud di De G.

Na yegada di ambulans, Paramediconan a atende y nan a pone polis na altura di De G. mester bay Hospital pa e worde examina.

Ora cu nan a yega na Departamento di Emergencia na Hospital, e muher De.G.  tabata tin mesun actitud pa cual a pone dokter di PAAZ na altura.

Despues di examinacion di De G., e experto a conclui cu e muher mester a worde interna den PAAZ  pa e por sigui ricibi mas trato psicologico y medico. Central di polis a worde poni na altura.

Ademas e yabi auto di De G. a worde entrega na primo di De G. E vehiculo a worde pone na entrada di Eagle Beach altura di Paradise Beach Villas den parkinglot sera completo y e ta na lock laga atras.

- Advertisement -

DUNA COMENTARIO

Please enter your comment!
Please enter your name here