Home Gobierno Na Den Haag a duna elogio pa e plan financiero di Aruba

Na Den Haag a duna elogio pa e plan financiero di Aruba

58
0
SHARE
- Advertisement -

Prome biaha cu ta atende cu un plan realistico basa riba cifranan concreto

ORANJESTAD (AAN): Cu tin un desconfianza grandi den política na Den Haag pa loke ta e maneho financiero hiba durante e ultimo añanan aki na Aruba, ta hopi cla.

Durante e bishita di Minister Otmar Oduber na Hulanda, e mandatario a hiba dialogo cu diferente instancia, incluyendo Raad van State, CAFT y Secretario di Estado encarga cu Aruba. Durante dicho reunion nan, a delibera riba diferente topiconan, entre cual esun financiero sigur a resalta. Den Haag sigur ta aprecia e forma habri y transparente den cual Gabinete Wever – Croes ta atendiendo e tema.

Banda di esaki, Hulanda mes ta sinti tambe cu e plan financiero presenta pa colega di finanzas, Ruiz- Maduro, ta uno basa riba cifranan concreto y cu esaki ta hopi mas real cu esnan presenta durante ultimo añanan pa e Gobierno anterior.

No ta secreto cu un di e temanan principal cu a conduci na retiro di e mandatario durante e gabinete anterior, ta hustamente esun di finanzas publico, cu pa falta di cumplimento cu acuerdonan cera cu Hulanda a conduci na e situacion actual.

“Semper a purba tapa e buraconan den presupuesto cu entradanan incidental, sea ta un benta di un edificio di Gobierno of un entrada di casualidad, y asina pospone e solucion structural pa futuro. Awe nos ta den e futuro ey y e problema ta hopi mas grandi cu anteriormente”, asina e minister encarga cu Infrastructura y Medio Ambiente a duna di conoce for di Den Haag.

“No tin mas edificio pa bende y entradanan incidental no por sigui bay pa paga gastonan coriente di Gobierno na turno. Mester tin un plan serio, basa riba cifranan real y cu un vision concreto y structural, unda e meta mester ta pa yega na un presupuesto, no solamente balansa pero hasta cu un surlpus cu por contribui na un reduccion di e debe nacional di pais Aruba”.

E mandatario a señala, na Hulanda, cu e intencion di Gabinete Wever – Croes ta pa haci cosnan diferente y mas consciente y segun e situacion berdadero. Di otro banda e mandatario no por a keda sin accentua e sentimento di desconfianza, cu ta reina bou di e diferente instancianan na Hulanda como tambe cerca e Gobierno Hulandes.

Durante e encuentro cu Secretario di Estado señor Knops a keda palabra cu pa otro siman, dialogo riba nivel di gobiernonan lo inicia pa asina fiha e maneho pa e siguiente añanan. Esaki despues cu ya caba na nivel di ambtenaar ta hibando e diferente combersacionnan.

 

 

- Advertisement -

DUNA COMENTARIO

Please enter your comment!
Please enter your name here