Home Policial No a haya arma candela pero si un Klewang

No a haya arma candela pero si un Klewang

149
0
SHARE
- Advertisement -

ORANJESTAD (AAN): Tabata Diabierna madruga, cu Polis a haya informacion urgente, cu tin un pelea andando entre algun gang den Rembrandstraat na Playa.

Esey a pone cu mesora a manda un unidad di Polis di San Nicolas pa bay check kico ta pasando den e caya.

Rumbo pa eynan, Polis a haya mas tip, indicando cu un di e hombernan ta bisti cu un T-Shirt geel, y e ta moviendo riba bicicleta, y den su poder e tin arma di candela.

E patruya di Polis cu a presenta inmediatamente no a mira ningun arma di candela, ademas no a constata ningun bringamento andando den Rembrandstraat.

Pero si tabatin un persona cu tin un “Klewang” den su poder.  Esaki ta un tipo di spada of machete cu ta wordo usa hopi na Indonesia.

Un par di rato despues, banda di 6:20 am net ora cu solo tabata preparando pa sali, unidad a ser pidi pa bay banda di Bongo Bar den Zeppenfeldtstraat pa un bringamento, y pa un persona cu T-shirt geel cu probablemente ta arma.

Polis a yega, pero no a localiza e homber tampoco cu flanel geel.  Sinembargo na altura di Baranca Bar, polis a mira e conocido di inicial A., kende ta bisti cu T-shirt geel.

Patruya bisa e homber A., cu nan lo bay listre pa seguridad y A. a bisa polis cu den su saco di carson e tin machete.

Polis a kita confisca e machete y a core cu A. for di e lugar.

- Advertisement -

DUNA COMENTARIO

Please enter your comment!
Please enter your name here