Home Parlamento Oposicion ta cuestiona e 144.000 florin presupuesta pa viahenan di Prome Minister

Oposicion ta cuestiona e 144.000 florin presupuesta pa viahenan di Prome Minister

124
0
SHARE
- Advertisement -

Siendo cu Mike Eman a gasta 2.2 miyon

ORANJESTAD (AAN): Parlamentario Endy Croes di MEP a papia riba tratamento di presupuesto, durante e conferencia di prensa di fraccion di MEP di tur Dialuna.

El a splica cu un avalancha di pregunta di parti di fraccion di MEP, a bay den direccion di Gobierno, mustrando e seriedad den e trabao di control riba e ministernan.

Croes a duna su reaccion riba algun pregunta hasi pa oposicion.

“Ora bo wak nan preguntanan, e ta ponebo puntra bo mes si e hendenan aki ta ‘bij in de klas’”.

Esaki segun Croes, kende a menciona cu un di e preguntanan di oposicion tabata kico e coalicion den Gobierno ta hasi pa baha gasto.

“Mi no sa kico e contestanan ta, pero mi por bisabo cu a corta e gasto di Patrick Paskel di 10 miyon florin, na Gobierno, ATA y Utilities”.

“Esaki ta un abuso cu tabata tuma lugar”.

“A corta e gasto tambe di 27 mil florin di Sebastian pa cana banda di Mike y di e manera aki nos por sigui menciona hopi otro manera Leoncita cu tur locual e tabata cobra”.

Esaki segun e parlamentario di e fraccion geel, kende a sigui bisa cu Gobierno a presenta caba con el a corta mas di 20 miyon florin den su propio ministerionan.

Un otro pregunta tabata: ‘Informa Staten si Gobierno ta serio y e kier baha debe y interes’.

“AVP cu a causa e desastre aki kier play cu e no a kibra un glas y kier lanza e tipo di preguntanan aki”.

“Un ehempel di e desastre ta cu pa cada dia nos ta pagando 600 mil florin na interes so di e debe di tur e placanan cu AVP a fia”.

“Esaki ta nifica cu pa cada ora ta paga 25.000 florin na interes”, segun Croes.

El a indica tambe cu oposicion a puntra cua ta e compania di marketing cu Gobierno ta uza y cuanto e ta cobra.

“Nos lo publica esakinan despues, pero den e rapport nos ta wak cu a reduci e placa di marketing cu 1.2 miyon florin pa e aña aki so”.

Esaki segun e parlamentario, kende a indica cu el a wak cu asombro cu oposicion den e preguntanan riba e presupuesto a bisa cu e 144.000 florin cu ta presupuesta pa e viahenan y estadia di Prome Minister ta inaceptable.

“E  hecho cu e ta presupuesta no kiermen cu e ta bay uza e placa, pero e ta un Prome Minister, e tin cu bay Hulanda ainda y otro viahenan di trabao”.

“Te cu awe e no a hasi esey ainda, porta na final di aña e lo uza mitad y esey lo resta tambe”, segun Croes, kende a indica cu ta straño cu oposicion a papia tocante esaki, pasobra segun e, ex Prome Minister Mike Eman a gasta 2.2 miyon florin na viahamento.

Croes a indica tambe cu tin cu bay cobra Mike Eman of Robert Candelaria placa cu a wordo gasta na 4 viahe di Candelaria na 2017, cu tabata prome cu el a subi lista di AVP.

“El a viaha pa Aruba desde Corsow riba ‘Dienst Reis’, pues pueblo, bo placa di belasting tabata paga pa esaki”, segun Croes, kende a indica cu e tempo ey e no tabata trahando pa Gobierno e ora ey, pero toch el a wordo poni como dienstreis.

“El a bin negocia su number riba e lista di AVP”, segun e parlamentario.

 

 

 

- Advertisement -

DUNA COMENTARIO

Please enter your comment!
Please enter your name here