Home Parlamento Ora ta midi pobreza mester tene cuenta tambe cu asuntonan social

Ora ta midi pobreza mester tene cuenta tambe cu asuntonan social

13
0
SHARE
- Advertisement -

Setty Christiaans:

ORANJESTAD  (AAN): Parlamentario di fraccion di MEP Setty Christiaans durante di un conferencia di prensa Dialuna, a papia di un topico cu a hala su atencion recientemente, esta e situacion di pobreza na Aruba, cu a wordo trata den un rapport.

El a splica cu den pasado e topico di pobreza a bin riba mesa na varios occasion, pero cu a yega momento pa Gobierno trata e topico aki.

E metodo uza pa midi pobreza ta basa entre otro riba e constelacion di e vivienda.

Pobreza pues e ora ey no ta basa solamente riba entrada di e personanan, sino tambe riba si nan a logra un educacion, con nan salud ta y condicion di e vivienda.

Pesey e ta wordo yama Multidimensional Poverty Index.

“Entrada pues no ta e unico manera pa midi pobreza”, segun Christiaans.

Segun e rapport, 16% di poblacion ta biba den cierto nivel di pobreza.

“E tipo di metodo aki ta dunabo tambe e oportunidad di pa midi e intensidad di e pobreza di e pueblo, unda cu esaki ta indica cu na Aruba tin 4% cu ta biba den pobreza severo”, segun e parlamentario.

“Awor cu bo sa con e estado di pobreza ta, bo por hiba mihor maneho y bo por hiba e pais den otro direccion, teniendo cuenta cu e aspectonan social di comunidad”, Christiaans a sigui bisa.

- Advertisement -

DUNA COMENTARIO

Please enter your comment!
Please enter your name here