Home General Pa aña 2020 Aruba lo bay tin 4.500 camber y lo tin...

Pa aña 2020 Aruba lo bay tin 4.500 camber y lo tin di importa mas trahador

92
0
SHARE
- Advertisement -

Aruba tin 66 camber pa cada meter cuadra

ORANJESTAD (AAN): Pueblo por mira tur dia, con riba e tereno riba Eagle Beach, gran parti di e tereno a worde selecta pa construccion di Condominium.  E asina yama ‘developers’ a crea como 7 mil camber.

E desaroyadornan a crea e condominiums aki bao palabracion cu Gobierno anterior.

Awor Aruba Timeshare Association ta kere cu gobierno nobo mester bin cu regulacion riba esaki.

Sr. Ursell Arends, presidente di Aruba Timeshare Association, ta splica.
E development aki mester tuma luga den un forma cu por handpick esun cu ta necesario pa Aruba, of e cantidad di camber cu gobierno por considera y no e 7 mil cu gobierno pasa a compromete su mes cun’e, siendo cu Aruba caba tin e acomodacion density di mas halto den e Caribe , cu Aruba tin 66 camber pa cada meter cuadra, despues ta bin Cayman Island cu 18 camber pa meter cuadra.

E peso di turismo ta pone riba nos isla, aunke cu e ta contribui grandemente cu nos economia, mester worde evalua den e sentido aki, pero mester tuma na cuenta e factornan social tambe cu ta reinando, pasobra cu cada camber mas hende mester bin emigra pa Aruba.

E cantidad di camber di awor te cu 2020 ta calcula den un cantidad di 4.587 camber y esey ta duna di conoce cu alrededor di 24 mil hende mester emigra pa Aruba den e proximo 3 pa 5 añanan.

Finalmente ta splica cu esaki lo pone mas peso riba nos fondonan social y tambe problemanan social lo aumenta, anto e ora cualkier development cu ta bay tuma luga mester worde regula den forma estricto pa mitiga e consecuencianan negativo. Te asina leu, Sr. Ursell Arends, presidente di Aruba Timeshare Association.

 

- Advertisement -

DUNA COMENTARIO

Please enter your comment!
Please enter your name here