Home Impuesto Pa otro aña kizas ya por yena Aangifte Biljet online

Pa otro aña kizas ya por yena Aangifte Biljet online

167
0
SHARE
- Advertisement -

Hopi hende satisfecho cu e pago online di Nummerplaat

ORANJESTAD (AAN): Mas y mas hende ta pagando nan nummerplaat via sistema online.  Pues nan no mester bay para oranan largo den rij mas.

Pesey mes, Departamento di Impuesto a haya un bon feedback pa loke ta pagonan online. Nan ta pasando den un transformacion y innovacion di nan departamento cu ta bay tuma luga den fase, caminda cu pagonan online ta tumando luga, pero toch ainda e cliente mester bin Departamento di Impuesto, pa busca nan stempel.

Segun Directora di Departamento di Impuesto Señora Luenne Gomez, nan a cuminsa cu pagonan online, pa ta sigur cu banco lo bay ariba e sistema nobo. Aruba Bank a bay live caba na comienso di aña, cu nan sistema di pago online, caminda un cliente por haci e pago di impuesto den un forma mas specifica unda cu Departamento di Impuesto por reconcilia mas lihe, y esaki a worde anuncia na cuminsamento di aña.

Mescos cu Banco di Caribe y CMB Bank cu tambe ta bezig riba esaki y lo worde anuncia pronto. Den caso di RBC y Caribbean Internacional Bank (CIBC) tambe nan ta cuminsa e aña aki.

Manera cu tur banco ta den e sistema nobo, clientenan por haci nan pago den un forma mas specifica anto e ora no tin bay na oficina di impuesto pa paga personalmente, unda tambe ta bay tuma luga cambionan pa e proximo aña e manera di haci aangifte pa esaki tambe bay online.

Den ley tin 2 tipo di trayecto cu ta cana simultaneamente ora di paga impuesto cu ta sucede mensualmente, por ehempel tin e casonan di BBO, Loonbelasting, BAZV y Casinonan, entre otro e cual tin cu haci pago tur dia 15 cada luna y e aangifte of declaracion di impuesto mester worde entrega tambe.

Den practica ta sucede cu tin cliente cu ta paga y no ta entrega e aangifte of vice versa, of nan ta haci un pago parcial,anto na base di e 2 trayectonan aki Departamento di Impuesto a cuminsa traha cu e esun di paga pa structura esey un tiki mas miho, y awor ta e turno di e parti di e declaracion unda cu stempel ainda e cliente lo mester haya di oficina di impuesto pa e tin algun comprobante di esaki cu el a entrega su aangifte na tempo.

Ora cu bay over na e sistema digitalisa online, e mes ta e formulario den forma digital y e ta bay haya tambe un comprobante cu e aangifte a worde entrega ariba e tal fecha specifico. Riba esaki Señora Luenne Gomez a expresa cu nan kier bay ainda mas leu cu e sistema digitalisa caminda cu na e di 2 fase di e proyecto nan ta bezig cu e creaccion di un portal, unda e cliente por tin acceso y pa nan por tin un bista riba nan situacion di pago y cobransanan cu a worde saca, cu ta nobo.

Cliente por wak su mesun debenan cu ta habri, e por cera un areglo di pago, e por haci su mesun aangifte. Esaki ta e trayecto cu impuesto ta canando riba dje y cu poco poco lo worde implementa.

Den caso cu cliente no a bay busca e stempel tin chance di haya un boet, unda cu departamento di impuesto mester a match e pago cu e aagifte y si ta mira cu tin e pago pero e declaracion no t’ey e ora nan lo saca un cobransa cu un boet inclui.

Ta consehabel semper pa clientenan pasa entrega e aangifte pa haya e stempel pero no solamente esaki sino cu mester e stempel riba e formulario original cu el a worde entrega. Tin hende cu ta pone nan aangifte den post, tur esakinan ta worde saca diariamente pa hiba e oficina.

Tin companianan di Corsou cu ta duna servicio na companianan na Aruba cu ta manda pidi un scan via email y e servicio aki departamento di impuesto por duna y ta haci tur cos cu por brinda na e clientenan un tiki mas comfort pa ora ta trata di entrega di e formularionan.

Ora e tema di stempel lo por a keda cla cu ainda ta keda un mortificacion, esaki sigur lo bin facilita e proceso y e ta menos trabao pa clientenan pero tambe pa e trahadonan di departamento di impuesto caminda cu nan ta bezig riba esaki, aunke ta depende di e presupuesto cu tin disponibel pero por mira cu e di 2 fase di e proyecto, tur dos ta depende di presupuesto 2018, na cuminsamento na Augustus y keto bay na Januari 2019 por cuminsa pilot cu e impuestonan mensual.

Pronto comerciantenan lo scapa di e dolor di cabes aki, y ta considera un avance hopi grandi no solo pa Departamento di impuesto pero pa Enter Aruba tambe, como un development cu ta sucede riba tereno di innovacion den tur e departamentonan di gobierno pa facilita e proceso pa cliente por cumpli cu su deber.

Den caso di pago di impuesto e cliente no mester Sali fi su cas of trabao pa para den rij pa haci e pago siendo cu esaki tabata kita hopi tempo di dje, y esey no ta tuma luga mas y kier di e manera aki stimula clientenan, aunke ta representa un gasto pa logra tur e tecnologia aki pero mester a haci pa e bienestar di e comunidad.

Clientenan mester zorg pa entrega e aangifte inmediatamente despues di e pago online, prome di cada dia 15 di cada luna, of por laga e formulario na e casita di e post pa e por haya su stempel .

Lo ta hayando un hopi bon respuesta cu pagonan online solamente ta falta pa keda cla cu e formulario den digital unda cu sistema di stempel tambe lo cay afo, pero tanten cu esaki a sucede mester trece e formulario na oficina di impuesto y ta hopi gradici di cumpli cu esaki, segun Señora mr. Luenne Gomes- Pietersz.

Cada comerciante ora di entrega su aangifte of e pone den su postbus, zorg pa e pago tambe sosode online y ora ta druk, ta pensando pa bin cu’n fastlane. Tabata tin piekperiode unda cu e e cliente ta entrega un formulario of haci un pago.

Departamento di Impuesto kier stimula mas tanto pago online. Nan a haya bon feedback cu esaki ta bayendo hopi bon. E siguiente paso ta pa zorg cu tur pago ta online y tur formulario ta digitalisa. Asina Señora mr. Luenne Gomes- Pietersz, directora di Departamento di Impuesto a finalisa bisando.

 

- Advertisement -

DUNA COMENTARIO

Please enter your comment!
Please enter your name here