Home Parlamento Parlamentario Tjon a haci prome analisis di e presupuesto di KIA

Parlamentario Tjon a haci prome analisis di e presupuesto di KIA

11
0
SHARE
- Advertisement -

ORANJESTAD (AAN): Lider di fraccion di MEP, sr. Rocco Tjon MBA, a elabora riba presupuesto y a enfoca riba esun di KIA.

E prome analisis ta mustra cu tin mas recurso a worde aloca pa e insituto pa loke ta “goederen en diensten”, cual ta un desaroyo positivo. Sinembargo e “kostenposten” pa percura pa mantencion, proyectonan pa detenido por re-integra y cursonan pa empleadonan no ta suficiente.

Mester tene na cuenta cu organonan internacional ta “audit” e instituto coreccional riba diferente aspecto, manera por ehempel infrastructura, nivel di bo empleadonan y e cantidad y calidad di e programanan cu ta ofrece na e detenidonan.

Pa e motibo aki aworaki ta haciendo e ehercicio pa wak di unda por aloca mas fondo pa e tres “posten” nan aki. Pa mantencion por ehempel tin 800.000 Florin aloca. Den pasado a entrega un carta na e ex-mandatario cu esaki lo ta e suma pa percura pa proyectonan critico worde ehecuta pa garantisa seguridad y higiena. Fondo pa e proyectonan aki nunca a worde aloca y aworaki tin mas area cu mester di mantencion, esey kiermen cu e 800.000 Florin no ta suficiente.

Opleidingen y cursusgeld pa empleadonan tambe mester worde aumenta pa e “meerjaren opleidingsplan” por worde ehecuta, pasobra e 31.000 Florin actual no lo ta suficiente pa por ehempel sigui cu e colaboracion cu University of Central Florida.

A reuni awe tambe cu un grupo di CEA y KIA pa scucha preocupacion riba e dos reorganizacionnan andando, explora posibilidadnan pa yega na solucion pa e aspecto di “toelagen”, uitrusting y uniformen. Tin diferente mocionnan cu lo worde entrega otro siman durante reunion publico, pa na un manera responsabel por alivia y mitiga e retonan menciona.

 

- Advertisement -

DUNA COMENTARIO

Please enter your comment!
Please enter your name here