Home Parlamento Pesey mes Ministro Otmar tin miedo cu statuut nobo di Parke Arikok...

Pesey mes Ministro Otmar tin miedo cu statuut nobo di Parke Arikok por pone nan construi Boutique Hotel

252
0
SHARE
- Advertisement -

Contestando Parlamentario di AVP

ORANJESTAD (AAN): Ministro Otmar Oduber a menciona con e statutonan cu a wordo cambia di Parke Nacional Arikok ta cu e directiva ta cambia su rol di ‘vigila’ pa uno mas bien di maneha e placa cu nan ta haya di Gobierno.

E bestuur a agrega den e statuut, unda cu por mira por ehempel nan ta trece dilanti, caminda un di e cambionan ta, pa cumpra terenonan priva. Nan ta mencionta un total di 14 tereno cu nan tin pensa di cumpra.

Parke Arikok pues diripiente ta birando doño di como 20% di tereno di Aruba, y nan lo haya poder pa haci kico cu nan kier.

Esey ta loke tin Gobierno disgusta, y a mustra claramente caba cu a perde confianza den e directiva.

Y pa sorpresa di tur hende, Parlamentario Michael Lampe a bin puntra si ta berdad kier traha un Boutique Hotel den Parke.

Ministro Oduber mesora a contesta, mustrando cu esey por ta e consecuencia di e cambio di Statuut di Parke.  No por sorprende ningun hende cu e Parke por bay construi un Boutique Hotel.

Y Ministro mesora a splica Parlamentario Lampe, cu esey ta e motibo pakico Gobierno ta contra e cambionan y cu a perde confianza den Directiva.

Ministro Oduber a splica cu loke ta pasando den Parke Arikok, ta igual cu ta pasando cu Parke Nacional Arikok.

Ademas di esey, Ministro a splica cu Gobierno di Aruba tin un deal pa subsidio di 2.5 miyon Florin cu “Parke Nacional Arikok”.  Y awor nan a cambia e nomber pa “Parke Nacional Aruba”.  Aki mes tin un caminda pa cana pa mira si acaso Gobierno tin deber pa sigui paga na un stichting di cual su nomber no ta cuadra mas.

PAYROLL DI SEVINGER:

Ministro Otmar Oduber a indica atardi tambe, cu un papel grandi den su man, pa mustra ta cuanto coordinador e Ministro anterior Benny Sevinger tabatin riba payroll.  Mas di 68 persona riba payroll.  E suma cu tabata wordo paga na salario di oficina di Benny Sevinger tabata 6.3 miyon Florin.

Awor na 2018, Ministro Otmar Oduber su oficina tin solamente 19 persona riba payroll.  Esaki ta como 2.0 miyon Florin na salario.  E ta pues menos cu mitar di loke Benny Sevinger tabatin.  Aki a spaar como 3.4 miyon Florin na bureau di Ministro.

Riba e potret por mira momento cu Ministro ta mustra e lista.

 

- Advertisement -

DUNA COMENTARIO

Please enter your comment!
Please enter your name here