Home arte y espectaculo Pintora Sandra van der Linde cu exposicion di arte den Alhambra

Pintora Sandra van der Linde cu exposicion di arte den Alhambra

20
0
SHARE
- Advertisement -

ORANJESTAD(AAN): Manera ta conoci e artista Sandra van der Linde, cu su pinturanan celestial y su trabaonan di tayer cu muchanan artistico cu ta elabora pintura y sketch y escultura pa mas di 5 aña caba, y cu ta dunando resultadonan hopi positivo y alavez, mirando cu Señora Sandra van der Linde ya caba a organiza varios evento pa su studiantenan manera exposicion y contest di pintamento, awo a dicidi di duna e pueblo di Aruba e oportunidad pa por maraviya nan mes y drenta den su mundo di Soño y vision cu e mes ta biba durante su bida y a plasmanan riba canvas.

Diasabra, 7 di April, señora Sandra van der Linde lo ta exponiendo cuadranan nunca mira, pinturanan cu lo impacta spirito di hende, cuadranan unico y cu mensahenan penetrante y cu speranza. durante un anochi unico pa 5 ora largo na Alhambra, cuminsando for di 6:30 pm – 10:30 pm

Segun Sandra van der Linde a bisa: “Mi pinturanan ta manera cu mi ta drenta e dimension spiritual saca un foto y trece na e mundo aki y mira locual e ta biba y tin den e otro dimensionnan.

Pa mi ta algo completamente real, ya cu esun cu ta bib’e, e mes por cont’e, asina mes ciencia ta aproba esaki, ya cu tur hende ta soña , pero lamentablemente no tur ta corda nan soño, biblicamente for di buki di Genesis te Apocalipsis por ripara cu soñon y visionnan ta sumamente importante, ya cu ta un otro manera di Dios pa comunica cu hende. (Job 33:14 / Joel 2:28/ Hechos 2:17)

Experiencianan esencial, ya ku via soño nos ta worde confronta cu shelo mes.”

Señora Sandra ta remarca: “humanidad a drenta un tempo caminda hende lo ta mas spiritual ku superficial. Mi ta pinta soño, speranza y bida caminda no tin.”

 

- Advertisement -

DUNA COMENTARIO

Please enter your comment!
Please enter your name here