Home Policial Polis di Curaçao a descubri pistol Glock banda di accident fatal

Polis di Curaçao a descubri pistol Glock banda di accident fatal

309
0
SHARE
- Advertisement -

Dama di 26 aña a fayece…

ORANJESTAD (AAN): Tabata Diasabra algun minuut pasa di cuat’or marduga, cu un accident serio a tuma lugar na Curacao, unda un dama hoben a perde su bida.

Ta asina cu Central di Polis a ricibi e informe y a dirigi patruya di polis direccion Winston Churchillweg unda dos auto a dal den otro, a produci un saldo di varios persona herida.

E unidad di polis cu a presenta prome, a topa cu un Ford Focus color corra y un Scion color preto, y nan a nota cu di berdad tin personanan herida.

Pero den e Ford, e dama sinta dilanti na banda di pasahero no tabata duna señal di bida.

Den e auto Scion tabatin solamente un chofer, kende tabata keha di poco dolor na custia.

Ambulans cu mientras tanto a acudi na e lugar, a atende e victimanan y nan a worde transporta cu urgencia  rumbo Hospital pa nan ricibi trato medico.

Te asina leu a base di investigacion, e Focus cora tabata core riba Winston Churchillweg direccion Santa Maria, mientras e chofer di e Scion preto tabata core riba e mesun caya direccion contrario (direccion Rio Canario).

E chofer di 27 aña di edad na stuur di e Focus a desvia na su man robez y a sigui core ey nan cu el a bay dal frontal contra e Scion cu e consecuencia menciona.

Pa alrededor di 4:50 am, Docter di Polis a constata morto di e dama Raisha Rationelia Offerman naci na Hulanda dia 15 di Februari 1992.  E tabata sinta banda di e chofer den e auto Focus.  E victima a fayece, debi na e.o. el a fractura su nek y a haya golpinan fuerte.

Durante cu polisnan ta haci nan investigacion, agentenan a ricibi informe di testigonan, cu nan a mira con net despues di e accident, un di e victimanan envolvi a core baha di auto, y a bay sconde algo bao di klinker di acera den cercania.

Polis a dicidi na bay averigua un que otro, y nan a descubri un pistol marca Glock cu cashi bala largo.

Riba e potret por mira e victima Raisha Offerman cu a laga su friends y famia den hopi tristeza na Curacao.

 

- Advertisement -

DUNA COMENTARIO

Please enter your comment!
Please enter your name here