Home Gobierno Por fin tin un linea di comunicacion entre CITGO y Gobierno di...

Por fin tin un linea di comunicacion entre CITGO y Gobierno di Aruba

258
0
SHARE
- Advertisement -

Prome Minister:

ORANJESTAD (AAN) – Den conferencia di prensa di Gobierno, dialuna mainta, Premier sra. Evelyn Wever-Croes, a duna un update riba e desaroyonan den CITGO.

E dignatario a indica cu siman pasa ehecutivonan di CITGO tabata na Aruba y a reuni cu funcionarionan di R.D.A (Refineria di  Aruba) y henter e board di e refineria y durante e reunion aki, nan a toca varios tema.

E dignatario a indica cu a resalta e positivismo y optimismo cu tin cerca CITGO cu nan por logra cumpli cu nan parti di e deal, na tempo hasta, mirando cu nan a haci cambionan den nan estructura, y nan ta buscando cambio den nan estructura di e financiamento cu a keda pega, door cu e sancionnan di Merca a wordo impone riba Venezuela.

Pero e optimismo tey, y cu nan ta bay sigui cu e trabaonan cu nan tabata haciendo prome cu e “slow down”. Esey kiermen cu nos ta bek na e situacion prome cu e “slow down”, e dignatario a acentua.

Esaki ta un bon noticia, Premier Wever-Croes a expresa, den sentido cu nan no ta kita e trahadornan cu tabata activo eyden, pero nan ta sigui cu nan funcion, pero naturalmente pa e fase di inversion mas grandi cu mester wordo haci eynan si mester bin un financiamento grandi cu na e momentonan aki, ainda no ta cla. Nan ta buscando otro avenidanan, prome mandatario a indica.

Pa e dignatario aki tin dos punto importante: 1. Cu e trahadornan no ta bay perde e trabao mas. 2. Cu tin un linea di comunicacion habri atrobe.

Prome Minister a indica cu desde cu nan a drenta den gobierno, tabata dificil pa haya nan pa comunica, logicamente pa e situacion cu nan mes tabata aden, unda toch nan a wordo deteni y mester a reorganiza y restructura. Y aworaki nan a cumpli cu nan palabra di bin bek y duna un update y esey ta loke nan a compromete cune.

E dignatario a agrega cu RDA ta hopi positivo y optimista despues di e reunion aki cu a bay den hopi bon ambiente. E mandatario ta kere cu e personanan aki ta serio y ta bay cumpli cu loke nan mester cumpli cune.

Hecho ta si cu gobierno ta keda realistico, cu nan no a haya e financiamento ainda cu nan tabata buscando, esaki ta keda pena door cu e ta cay bao embargo Mericano y te cu esaki no keda soluciona e placa grandi no ta bay drenta pa haci inversion.

Di e manera realistico aki Gobierno kier comunica esaki na pueblo di Aruba, pero e bon noticia ta cu alomenos tin un linea habri den comunicacion.

- Advertisement -

DUNA COMENTARIO

Please enter your comment!
Please enter your name here