Home Gobierno Premier Wever-Croes a splica KvK cu tur gremio riba tereno economico lo...

Premier Wever-Croes a splica KvK cu tur gremio riba tereno economico lo hunga un papel importante

15
0
SHARE
- Advertisement -

ORANJESTAD (AAN): Durante un reunion cu e directiva di Camara di Comercio, KVK, Prome Minister Evelyn Wever-Croes acompaña pa Chief Innovation Officer, Varelie Croes, a delibera cu KVK riba e retonan economico di nos pais.

Prome Minister a duna un introduccion riba e situacion financiero di pais Aruba y a splica ampliamente e motibo pa cua Gobierno di Aruba mester a yega asina leu pa anuncia e Crisisheffing. Na mes momento a papia tambe di e desafionan financiero cu pais Aruba ta confronta.

E mandatario a splica cu awo cu e tema financiero ta atendi cu ne, ta momento pa enfoca tur energia riba e futuro economico di nos pais. Den esaki tur gremio lo hunga un papel importante. Prome Minster a laga sa cu esaki tabata e motibo pa cua a invita Camara di Comercio pa e reunion aki, pa scucha di nan kito tabata e desafio y retonan cu nan ta encontra. Mas ainda ta importante pa scucha di Camara di Comerio den ki direccion nan ta mira cu mester desaroya economia.

Prome Minister a bisa cu e reunion aki tabata sumamente fructifero na unda Camara di Comercio a comparti varios idea cu Minister President. Na final di e reunion, e Premier a anuncia cu esaki ta un di e prome encuentronan cu Camara di Comercio pa intercambia opinion riba e futuro economico na caminda pa un cumbre economico den luna di juni pa fiha e maneho economico di pais Aruba.

- Advertisement -

DUNA COMENTARIO

Please enter your comment!
Please enter your name here