Home Labor Presidente di FTA ta elabora riba Dia di Trahador

Presidente di FTA ta elabora riba Dia di Trahador

13
0
SHARE
- Advertisement -

ORANJESTAD (AAN) — Dia 1 di Mei tur sindicato y tur trahado ta suppose di bin hunto, pero Aruba pa hopi aña caba no ta conoce marcha unda sindicatonan ta expresa nan inkietud na dunado di trabao y gobernantenan.

Sr. Hubert Dirks, presidente di FTA ta elabora tocante e tema aki.

“Pa yega na tin un dia manera 1 di Mei como un dia memorable e ta basa riba luchanan grandi unda cu hopi morto a yega di cay rond mundo, pa motibo di abuso, inhusticia social, caminda hende: muhe y hombernan a wordo masacra anto pa hopi tempo.

Door di un lucha awor aki tin Organizacion Internacional di Labor, pa yuda pa mantene un balance entre e poder social, capital y politico y como organizacion sindical FTA ta kere cu na Aruba tin sintomanan unda cu siguridad social ta den peligro”, e lider sindical a splica.

Cu esaki e ta referi na fondonan di pension, AZV, SVb y e trato unda cu placa di e trahado y di e economia ta bay den fondonan aki.

Den sentido aki mester tin un calidad di bida mas halto y un trato mas husto pa e trahado unda cu e mentalidad di e dunado di trabou anti sindical ta wordo condena totalmente riba esaki,  anto tin un actitud anti sindical feroz na Aruba, segun Sr. Dirksz, presidente di FTA.

Trato di trahado increible, falta di inversion den e capital humano siendo cu e trahado como producto mester tin un inversion mas grandi riba dje, unda cu un trahado cu no ta contento no por duna e calidad di servicio y un trahado cu tin su famia den situacion social dificil tambe ta trece cune un brote di criminalidad cu ta keda aumenta.

“ Enberdad cu pa haci e trabou den industria turistico no ta rekeri hopi estudio, pero loke mester tin pa e trabou ta bal mas cu estudio, unda mester tin un curazon, actitud y un mentalidad pa duna e servicio di calidad humano, anto riba esaki Aruba ta bayendo atras y e industria no kier inverti den dje.

Tin diferente situacion caminda cu hopi trahado local ta na cas y trahado stranhero ta na trabao. Pero tanto trahado local como stranhero ta wordo explota tur dia y Departamento di Labor no ta haci nada pa cu esaki. Tin hopi situacion anto riba dia 1 di Mei mester refleha e posicion di trahado pa duna nan un miho calidad di bida, pasobra sin nan bo ta manca e comunidad.

Un trahado bon prepara cu seguridad, e ta miho pa e pais. Pero mester compronde y reconoce cu na Aruba tur e instancianan concerni a faya, por ehempel riba contractnan di corto duracion, ley di uitzendbureau cu no ta wordo respeta, seguridad na trabao no tin control, accidente na trabao ken ta controla? Construccion ta tuma luga sin control, contractnan di ILO ta wordo respeta? Unda nan ta y unda e control ta?

Den todo caso, e situacion na Aruba no ta facil aunke no ta peor cu paisnan den e region pero toch tin sintomanan hopi malo, nos calidad di bida ainda ta bon pero e entrada minimo mester ta 2.200 pa persona, pero na su lugar tin un salario minimo di 1700 florin, cual ta crea un deficit di 500 florin tur luna..

E pregunta ta con e trahado por biba di e forma ey.

Pa ultimo ta laga e reflexion riba dia 1 di Mei pa tur e trahado pensa riba nan balor den comunidad, como trahado ehemplar, cu ta etico y ta cumpli cu su trabou pero cu ta wordo respeta y ta exigi respet y tambe cu e sindicatonan ta invita na disfruta dia di trahado y wak si por bin sinta hunto y manda un mensahe cla tanto na gobierno y dunado di trabao y e lucha cu a wordo hiba pa trahado di hopi tempo pasa te awendia. Y e flexibilizacion laboral ta inaceptable, señor Hubert Dirks di sindicato FTA a expresa, pa conclui.

- Advertisement -

DUNA COMENTARIO

Please enter your comment!
Please enter your name here