Home Parlamento Prome Minister a djis pidi e companianan estatal kico ta e posibilidadnan,...

Prome Minister a djis pidi e companianan estatal kico ta e posibilidadnan, pa saca dividend

23
0
SHARE
- Advertisement -

Setty Christiaans:

ORANJESTAD  (AAN): Durante un conferencia di prensa di fraccion di MEP den Parlamento, Parlamentario Setty Christiaans a bisa cu e siman aki ta bay ta un siman duro, den sentido cu parlamento ta preparando pa trata e presupuesto di 2018.

“Nos ta tumando esaki hopi na serio y nos ta purbando di saca afo preguntanan alcaso y cu ta preocupa nos”.

“Nos trabao ta critico y nos ta hasie cu seriedad”, segun Christiaans, kende a indica cu e kier a contraresta algun ponencia cu a wordo treci dilanti, tocante algun informacion eroneo cu hendenan a bin dilanti cune.

Un di e rumornan cu a bin dilanti ta cu lo tin un acuerdo nobo cu CFT, pero segun e parlamentario e mesun acuerdo tey ainda.

“Door cu den pasado a entrega cifranan irealistico y ficticio, esey a conduci cu awe mester a cambia e plan un poco y mi ta kere cu esaki ta normal”.

Esaki segun Christiaans, kende a sigui bisa cu cada Gobierno tin su forma di hiba su maneho.

E parlamentario a sigui bisa cu awor e miembronan di Gobierno anterior mester realiza cu e Gobierno aki ta serio.

“Mirando cu nos partido ta uno social democrata, nos ta papia mas riba e hende”.

“E parlamentarionan di AVP ta insinua cu e gobierno actual a hisa e debe nacional, pero cu esaki no ta berdad”, segun Christiaans.

El a sigui bisa cu tur cos ta indica cu ta te na 2021 por yega na un surplus di e presupuesto y esaki ta logico, pasobra mirando e debe astronomico cu gobierno anterior a laga atras, bo no por pensa cu gobierno actual den 1 aña por sanea un situacion cu e gobierno anterior a crea den 8 aña di gobernacion.

Un di e puntonan cu oposicion ta treciendo dilanti actualmente segun Christiaans, ta cu aumento di prijs di gasolin ta un medida di Gobierno di MEP.

“Tur hende por bay riba un website pa wak e prijs di gasolin riba mercado internacional y ripara cu tur caminda esaki a subi”.,

“Den nan gobernacion pa suerte tabata un tempo cu gasolin internacionalmente tabata baha”.

“Ta nan a hedge e prijs di gasolin y ora cu esaki a baha cu 50%, nunca nan a duna pueblo nan fair share den e rebaho aki, riba prijs di awa y coriente”.

“Awor nan kier bisa cu aumento di prijs di gasolin ta un medida”.

“Por fabor no insulta inteligencia di pueblo, pasobra nan mes por wak cu ta tur caminda na mundo prijs di gasolin ta subi”, segun Christiaans.

Pa loke ta e ponencia di oposicion cu Gobierno actual ta bay saca dividend for di companianan estatal, Christiaans a indica cu como Prome Minister, Evelyn Wever Croes a manda un carta na tur compania estatal, na unda cu e ta puntra kico ta e posibilidad.

“E no a impone riba nan, cuanto ta e placa cu e kier saca como dividend, sino kico e companianan ta dispuesto di duna, sin cu esaki ta afecta nan operacion normal”.

“Logicamente cada compania a varia den nan contesta, pasobra ta nan sa con nan inversionnan ta y kico nan falta pa inverti den futuro”.

Esaki  segun e parlamentario di e fraccion geel, kende a sigui bisa cu ta hustamente Prome Minister ta purbando di hustifica algun cos cu a bay robez den pasado.

El a bisa tambe cu e ponencia cu prijs di awa y coriente lo no baha door cu ta bay saca dividendo for di e companianan, ta un ponencia eroneo.

 

- Advertisement -

DUNA COMENTARIO

Please enter your comment!
Please enter your name here