Home Deporte PWA Copa mundial di Ola na Morocco Africa exitoso pa Sarah-Quita

PWA Copa mundial di Ola na Morocco Africa exitoso pa Sarah-Quita

98
0
SHARE
- Advertisement -

ORANJESTAD (AAN): Pa promer biaha den historia un competencia di windsurf pa regatistanan femenino den e disciplina di Ola ta tuma lugar na e pueblo Moulay Bouzerktoun 30 minuut leu di Essaouira situa na e costa Atlantico di Morocco.

Un total di 16 muher di 8 diferente pais ta bataya pa un puesto den e top 3. E biento di Noord-Oost Passaat ta crea e condicion perfecto pa termina e promer eliminacion unda mester a nabega e olanan di 4,4 meter cada 17 seconde durante 22 minuut cu biento entre 20 pa 28 nudo.

Sarah-Quita ta train durante luna di februari na Sur Africa y pa su gran sorpresa e biento di cuaresma cu a suta na Aruba ta permiti’e practica tanto na Rodger’s beach como Westpunt den ola. Cu respectivamente ta Port tack (babor) banda robez y Starboard tack (estribor) banda drechi.

Na 2014 Sarah-Quita ta cuminsa participa den e disciplina aki ariba e PWA Tour. Cada aña su prestacion ta mehora y ta reduci e distancia entre su mes y e legendario Moreno Twins Daida y Iballa. Sistematicamente e ta subi den e rango di Ola y ta un contrincante peligroso mirando cu e ultimo 3 aña e ta termina ariba podium y a gana e evento “Aloha Classic” na Maui na 2016.

Na Morocco e ta logra termina na di dos lugar. Den e manga final cu un duracion di 30 minuut SQ ta usa un diferente tactica cu esun custumbra di warda te un ola grandi presenta. SQ ta scohe pa keda ocupa ta nabega y di e manera ey tabata score algun bon ola y punto cu ta haci cu e ta lidera pa basta rato durante e manga final.

Pa falta di por a haya un ola potente pa score mas punto e ta ocupa e segundo lugar ariba e podium. SQ ta comenta cu e ta sinti contento y afortuna di por ta den e manga final  unda na dado momento e regatistanan tabata encurasha otro pa buta drama. Ademas agradecido pa e oportunidad di ta na Morocco cu ya pa hopi aña e kier a bishita pero ta mucho mas di loke e por a spera of imagina.

Biniendo di Caribe, Morocco ta ehempel di loke ta mas exotico cu e por presencia. E mezcla Arabe y Frances. E cuminda delicioso y e hospitalidad fenomenal unda e hendenan local ta cariñoso, caluroso y ta yamabo bon bini.

- Advertisement -

DUNA COMENTARIO

Please enter your comment!
Please enter your name here