Home Deporte Real Koyari ta gana Sportboys 7-0

Real Koyari ta gana Sportboys 7-0

21
0
SHARE
- Advertisement -

ORANJESTAD(AAN)– Den Stadion Frans Figaroa na Noord a tuma lugar diadomingo 8 di April e wega entre Real Koyari cu ta na di tres lugar riba e tabla di posicion contra di  Sportboys cu ta den sotano na di ultimo lugar Division 1 grupo A.

E equipo di Sportboys a hunga cu un total di 8 hungador, tempran di cuminsamento di wega pa ser exacto na di 2′ di wega Juan Reategui #17 riba su camiseta ta score pa Real Koyari bay ariba 1-0.

Na di 4′ di wega Sergio Reategui #10 riba su camiseta ta logra score pa Real Koyari bai ariba 2-0.

Despues ta Jean Marcelo Dirksz cu #22 ta logra amplia e ventaha na 3-0 na di 17′.

Nathan Alton Borke #80 ta logra score na di 41′ pa asina tuma un ventaha di 4-0.

Cu Real Koyari ariba comodamente 4-0 ta finalisa e prome tempo.

Jean Marcelo Dirksz #22 ta bolbe score pa asina pone su equipo Real Koyari ariba 5-0.

Na di 65′ di wega ta e mes un Juan Reategui ta bolbe deposita e bala den net pa asina Real Koyari bai ariba 6-0.

Den un hugada poco bruto net pafo di e area peligroso Real Koyari ta haya un tiro directo y aki nan ta Juan Reategui ta deposita e bala fuera di alcance di e keeper di Sportboys pa asina manda su equipo ariba cu e score di 7-0.

Na di 75′ di wega referee Ridderstaat ta dicidi di termina e wega y asina Real Koyari ta golea e equipo di Sportboys 7-0.

 

- Advertisement -

DUNA COMENTARIO

Please enter your comment!
Please enter your name here