Home Social Registracion pa Aruba Bank su Walk & Run 2018 ta habri 14...

Registracion pa Aruba Bank su Walk & Run 2018 ta habri 14 di Mei

109
0
SHARE
- Advertisement -

Download bo Walk & Run App nobo pa sigui e “countdown”

ORANJESTAD (AAN): Durante un conferencia, Aruba Bank conhuntamente cu su partner Subway a anuncia na pueblo henter e di 14 edicion di nan evento anual esta e “Aruba Bank Walk & Run”. Durante e Conferencia di prensa tambe a anuncia cu ariba e Aruba Bank Walk & Run App Nobo obtenibel pa iphone y Android por sigui e “countdown”, anticipando e fecha cu ta inicia cu e registracion pa e evento popular aki.

Na 2017 evento a “sell-out” den 4 ora, pues Aruba Bank kier a pone hopi enfasis ariba e fecha di 14 di Mei proximo, pa exactamente 9’or di mainta, cual ta e momento exacto cu ta habri e registracion pa e gran anticipa Aruba Bank Walk & Run 2018. Un biaha mas lo habri registracion pa e prome 2500 participantenan cu registra.

E App ta bay ta e medio principal pa registra! Ademas di e Live tracking y Social Share feature, e App lo ofrece “trainings plans & tips” pa yuda e participante prepara su mes pa e 4-days Walk & Run, tambe e App lo tin e popular playlist cu a introduci na 2017, alavez lo tin informacion importante pa tur participante tocante reglanan, rutanan, y hopi mas.

Desde aña pasa e Walk & Run a introduci e concepto di un evento “plastic free”, cual concepto ta mantene pa e evento di 2018 tambe, unda cu durante e rutanan Aruba Bank no lo duna awa den cups ni boli y esaki ta en conexion cu e Green Wave efforts. Pues, corda trece bo boter di awa, y bo tin e opcion di refill esaki na Start, Halfway di e ruta, y na Finish, pa asina bo curpa keda hidrata.

Aruba Bank y IBiSA kier a recorda un y tur pa marca e fechanan pa e gran evento dianan Dialuna 28, Diamars 29, Diaranson 30 y Diahuebs 31 di Mei. E caminata y coremento lo inicia pa 6:30pm. E aña aki un bes mas nos lo ta den districtonan di Noord, Paradera, Santa Cruz y San Nicolas.

Informacion exacto lo worde publica ariba e Aruba Bank Walk & Run App, ariba www.arubabank.com y ariba nos Facebook page https://www.facebook.com/Arubabank/ . Tambe, marca e fecha pa registra, dialuna, 14 di Mei pa exactamente 9’or di mainta. Si bo tin e Walk & Run App di 2017 ainda, bo por update esaki ki ora cu ta. Si bo no a download e Aruba Bank Walk & Run App ainda, haci esaki awe mes y mantene bo mes informa di tur detayes di e gran evento aki, organiza pa e comunidad di Aruba.

Aruba Bank kier gradici tur partner cu ta haci e gran evento aki posibel, principalmente Subway, IBISA y Cuerpo Policial, y ta conta cu nan sosten un bes mas pa e gran evento di Aruba Bank Walk & Run 2018.

- Advertisement -

DUNA COMENTARIO

Please enter your comment!
Please enter your name here