Home General Rene Bernabela di TOPA ta reta directiva di Parke nacional Arikok

Rene Bernabela di TOPA ta reta directiva di Parke nacional Arikok

137
0
SHARE
- Advertisement -

Accion laboral a sigui den PNA:

ORANJESTAD (AAN) – Un biaha mas, Diamars mainta, tabata tin paro di labor di e trahadornan di Parke Nacional Arikok, pa asina mustra nan disgusto.

Rene Bernabela, lider di Sindicato TOPA, a reitera den entrevista cu Matutino DIARIO cu e trahadornan no ta conforme cu e maneho cu e directiva di e PNA ta hibando na e momentonan aki.

E trahadornan no por sigui cu e manera con e directiva ta operando y e sindicato a sinta siman pasa cu Minister Otmar Oduber, cu tin atencion riba e problema cu tin eynan, y a manda pidi pa anota cual ta e inkietudnan cu tin y cu e mes a scucha, no solamente for di e sindicato pero for di e directiva y e siete managernan cu tin eyden y cu hunto cu e directiva ta hibando e maneho ey den PNA.

E trahadornan a laga sa cu tanten no bin un solucion di parti di Gobierno y di e Minister encarga nan lo no sigui traha. Nan ta cansa di e trato cu nan ta ricibi for di e directiva, segun Bernabela a splica.

Ademas el a indica cu tin trahador eyden cu no ta cay bao di e directiva cu ta ganado un dineral, y tin di nan cu ta inscribi na Hulanda pero ta cobrando salario na Aruba, locual ta un violacion di e ley di LTU.

Riba esaki e sindicato kier aclaracion y e ta sigui pone presion di parti di e trahadornan te ora yega na un claridad kico ta e maneho cu mester wordo hiba den PNA y no por exclui cu e accion lo keda escala.

Bernabela a remarca cu e sindicato y e trahadornan kier pa e parke draai manera mester ta, y no na e manera cu e directiva ta operando aworaki, unda no tin comunicacion cu e trahadornan cu ademas ta ricibi un trato inhusto. Awor nan hemchi a yena, y e trahadornan no ta acepta esaki mas.

E sindicato lo sinta evalua e situacion, pero Bernabela no ta descarta cu accionnan por sigui, y nan ta wak ki estrategia nan por sigui. El a señala tambe cu nan kier mira cuanto tempo e directiva por keda sin e park rengernan aki funcionando manera mester ta y con leu e parke por sigui draai. E sindicato ta reta e directiva cu si nan ta keda fula tera y no atende cu e trahadornan y wak si nan por reta nan pa wak con leu nan ta sigui cu e accion.

 

- Advertisement -

DUNA COMENTARIO

Please enter your comment!
Please enter your name here