Home Enseñanza Renobacion di John F. Kennedy ta encera un suma di 15.9 miyon...

Renobacion di John F. Kennedy ta encera un suma di 15.9 miyon florin

94
0
SHARE
- Advertisement -

Aruba Investment Bank satisfecho cu firmamento di proyecto

ORANJESTAD  (AAN): Durante firmamento di proyecto di proyecto di renobacion y expansion di John F. Kennedy Education, Sr. Frendsel Giel, director di Aruba Investment Bank a indica cu nan ta hopi contento di por forma parti di proyecto aki, cu segun e director ta un milestone pa nos isla.

Segun Sr. Giel, finalmente despues di combersacion y negociacionnan basta habri den e ultimo dos lunanan aki, gobierno a inventariza prome kico ta e hechonan, loke ta pasando awor aki pa proyectonan anterior y nan tin un combersacion basta habri pa loke ta trata e proyecto aki.

E acuerdo aki a wordo perfecciona den un manera cu tur Minister cu ta responsabel pa loke ta e acuerdo di huur aki, a haya bendicion. Den e caso aki, mester a papia cu tur hende, mustra kico e proyecto ta encera, e embergadura di dje pa yega na e nivel aki.

Banda di AIB Vastgoed, ta un compania di AIB Bank y nan ta contento pa e motibo cu nan celebrando 30 aña desde cu nan a wordo funda. Nan ta funda cu un meta social economico. E meta social economico ta pa haci proyectonan pa promove e economia di Aruba.

E proyecto aki tambe ta un parti di e infrastructura di Aruba. Scol John F. Kennedy tin 21 aña para desde e ultimo biaha cu el a wordo uza, y nan ta contento pa cuminsa cu e proyecto aki. Esaki ta prome proyecto di AIB Vastgoed y nan ta contento cu por a yega asina leu di haya gobierno tambe pa pone nan mes disponibel pa asina por cera un acuerdo di huur pa e proximo 5 aña aki y despues di un destaho, nan por a logra tambe cu Bohama Aruba NV firma pa e proyecto start sali di biaha.

E construccion riba su mes ta encera un suma di 15.9 miyon florin, unda cu nan lo renoba e edificio principal, y hunto cu e renobacion, lo bin un edificio nobo, pa un total di 6335 meter cuadra di espacio di oficina. Di parti di AIB, nan ta sumamente contento cu e firmamento. Tabata tin un negociacion profesional, habri cu otro y por a yega na un forma cu mester a haci algun perfeccionamento den e acuerdo cu tabata tin.

Ta pesey a firma un ad endum na e acuerdo di huur, unda cu adicionalmente di e minister di infrastructura, e minister tambe di enseñansa lo forma parti di e acuerdo aki, pa finalmente haci e acuerdo vigente.

Edificio nobo di J.F. Kennedy lo ta na beneficio di comunidad henter

Minister Rudy Lampe ta un di e ministernan cu a firma un acuerdo di huur, hunto cu minister di infrastructura. El a splica cu e proyecto di expansion y renobacion di John F. Kennedy School ta un soño cu a bira realidad.

E mandatario a sigui splica cu prome cu eleccion caba, un miembro di su team a skirbi’e cu su soño ta pa John F. Kennedy School, en berdad ta renoba y bira e centro di educacion di Aruba. Awo danki na e cambio di gobierno, hopi soño ta birando realidad.

E minister a felicita henter e team di minister, bao di guia di prome minister, Evelyn Wever-Croes, kende a duna sosten pa realisa e soño aki, cu no solamente lo tin un impacto positivo pa e desaroyo economico di nos pais, sino tambe ta bay yuda den eleva e calidad di nos enseñansa pa e siguiente motibo masha simpel mes.

Ora bo trece profesionalnan hunto den e mesun espacio, bo ta bay promove cooperacion entre tur e mentenan briyante cu tin den un espacio.

E cooperacion aki cu ta haci asina hopi falta aki na Aruba, ta hopi necesario pa asina aki bo por produci ideanan nobo y asina mehora nos enseñansa. E minister ta convenci cu e proyecto aki ta bal la pena haci un inversion extra, pa loke ta output di nos sistema di enseñansa ta hopi grandi. Hopi biaha no ta realisa cu na otro paisnan si nan a cuminsa realisa cu ta importante pa trece profesionalnan hunto den un espacio. Pasobra e ora ey bo ta bay tin e cooperacion necesario. Lo bay honra e peticion cu minister di infrastructura a haci pa inclui Parlamento Hubenil.

E minister a papia cu e desaroyador di e proyecto y tambe cu departamento di enseñansa pa tene cuenta tambe cun’e y e palabra a cay cu e minister ta hay’e asina importante cu uzo flexibel di espacio.

Inclusive ora cu mira tur e diferente MFAnan cu tin, diferente otro edificionan, scolnan cu ta renoba, ta para y ta uza cierto oranan y den otro oranan no ta uzanan. Pa un pais chikito manera nos cu poco recurso, tin cu haci un uzo maximo di tur nos edificionan nobo y renoba. Pesey en berdad ta pas den e vision aki tambe pa un uzo flexibel di espacio y entre otro Parlamento Hubenil por uza e espacio aki. Ta bay pidi cooperacion di tur cu ta bay ta eynan y mira cu ta propiedad di pueblo cu lo mester haci uzo maximo, na beneficio di nos comunidad.

Pesey un palabra di pabien na un y tur cu a coopera di un manera fabuloso pa por yega na e dia aki.

Tambe na pueblo di Aruba, cu lo bay ricibi e beneficionan.

- Advertisement -

DUNA COMENTARIO

Please enter your comment!
Please enter your name here