Home Enseñanza Reunion informativo tocante Erasmus+ y e trabao boluntario pa hobennan na Spaña

Reunion informativo tocante Erasmus+ y e trabao boluntario pa hobennan na Spaña

8
0
SHARE
- Advertisement -

ORANJESTAD (AAN): Recientemente CEDE Aruba a cuminsa un colaboracion cu “Erasmus+”. Erasmus+ ta e programa Europeo di subsidio pa educacion, hubentud y deporte. E idea tras di esaki ta cu tur hende por desaroya nan mes continuamente por medio di educacion, curso y siñamento informal: siñamento permanente (life long learning). Cu Erasmus+ intercambio y trabao boluntario ta worde organiza y (co)financia.

E programa di Erasmus+ cu CEDE Aruba ta colabora cu n’e yama “European Voluntary Service” (EVS). E programa EVS ta brinda hobennan oportunidad pa haci trabao boluntario den exterior. Aki, nan ta sera conoci cu culturanan diferente y nan ta siña habilidadnan nobo.

Haciendo trabao boluntario por medio di e programa Erasmus+ hobennan lo optimalisa posibilidadnan pa un futuro bunita den e area di nan interes.

Na e momente aki CEDE Aruba tin oportunidad pa manda 2 hoben pa un periodo di mas o menos 2 luna cerca su partner na Spaña. E trabao boluntario na e organizacion aki lo consisti di traha cu personanan cu limitacion mental, riba varios areanan manera cuido, deporte y recreaccion. E trabao boluntario lo tuma lugar den periodo juni / juli / augustus 2018.

Pa cualifica, e hobennan mester ta entre 18 y 30 aña di edad. Un parti di e gastonan lo worde cubri door di e programa mes y e otro parti e hobennan lo tin cu percura pa cubri esaki, por ehempel door di organiza proyectonan pa recauda fondo.

Tin otro rekisitonan cu e hobennan tin pa tene cuenta cune. Entre otro, prome cu e hobennan participa na e programa di Erasmus+ nan tin pa sigui diferente cursonan, durante e periodo cu e hobennan ta haci trabao boluntario easki mester mester worde documenta y, na final, nan tin cu duna un presentacion di locual nan a siña. Tambe nan tin cu traha hunto cu organizacionnan local, cu tin metanan similar cu e partner na Spaña. E hobennan lo worde supervisa door di CEDE Aruba, prome, durante y despues di e periodo di trabao boluntario afo.

Pa splica e programa y contesta preguntanan, CEDE Aruba lo organiza una reunion informativo. Esaki lo tuma lugar diamars 10 di april 2018 pa 7 ‘or di anochi na CEDE Aruba, Beatrixstraat 8, Oranjestad.

E reunion informativo ta dirigi na hoben interesa, mayornan, school y tur otro interesadonan. Personanan cu por ta no por bay e aña aki pero ta interesa di participa den futuro, tambe ta bonbini. Interesadonan por registra via cedearuba@setarnet.aw . Tambe por haya mas informacion na Hulandes of Ingles riba www.erasmusplus.nl.

- Advertisement -

DUNA COMENTARIO

Please enter your comment!
Please enter your name here