Home Comentario Riba tereno di huurmento di vivienda tambe mester bin control

Riba tereno di huurmento di vivienda tambe mester bin control

31
0
SHARE
- Advertisement -

ORANJESTAD (AAN) – Riba tereno di vivienda hopi biaha ta surgi problema ora di huurmento di cas of apartamento, si no ta pasobra e huurdo no ta cumpli cu locual ta stipula den un contrato y ta deteriora e lugar causando despues gastonan extra pa e propietario, of ta e propietario esun cu no ta cumpli y un bez cu e ta ricibi su placa di huur tur luna, e ta lubida cu e tin cu duna e propiedad mantenimento.

Esaki ta un tema cu a bin dilanti na nos mesa di redaccion diferente biaha, di huurdo mas tanto cu ta keha cu nan a huur un lugar cu recien e doño a verf e fachada y a drecha un par di cos paden, pero despues di poco tempo e zinc di dak ta cuminza ranca cu poco biento, e luznan ta kima lihe, e stop contactnan ta kima cada rato, e cranchinan di awa no ta traha bon, entre otro aspectonan.

Ora e huurdo ta puntra e Propietario di e lugar esaki ta djis bisa cu e ta esun cu ta biba den e cas, cu e mester zorg pa locual ta deteriora ora e ta bibando den e cas, siendo cu e cas tabata deteriora caba pero no a mustra. Te ora e famia ta biba den dje ta bin ripara kico ta kico. Y pa colmo e huur di vivienda ta hopi caro mes.

E pregunta ta, ta di con no tin control riba huurmento di vivienda y cumplimento di contrato no di un banda so, pero di ambos banda?

Di con Huur Commissie mayoria di biaha ta tene cuenta cu e doño di cas so, y no cu e huurdo? Esaki sa sosode hopi, segun algun caso cu a bin na nos conocemento.

En todo caso, awor cu den e rama di producto y servicio gobierno ta eherciendo control, lo no ta mal idea si tambe habri un espacio na e tereno di vivienda pa trece un balansa tambe entre prijs y calidad y deber di cada un di e partinan envolvi den un contrato di huur.

- Advertisement -

DUNA COMENTARIO

Please enter your comment!
Please enter your name here