Home Deporte San Nicolas Taekwondo Center a sali best team den Ultimate Taekwondo Cup

San Nicolas Taekwondo Center a sali best team den Ultimate Taekwondo Cup

15
0
SHARE
- Advertisement -

ORANJESTAD (AAN) – Diasabra ultimo a tuma lugar e di 10 Ultimate Taekwondo Cup y 5 atleta a clasifica pa Best of the Best 2018 caba. Un di e rekisitonan pa participa na Best of the Best ta, si un atleta sali best fighter na cualkier di e 3 campeonatonan organisa pa Brazil Taekwondo Stichting.

Na e campeonato nos por a mira con e atletanan a duna di nan banda bringando pa nan scol pa e best team. E rooky Daniel Hernandez a subi arena di combate pa prome biaha y a bringa cu e sistema G2 y a demostra cu su curason ta grandi. She-Cutie Hernandez a haci su debut aña pasa December y a terorisa su contrincante lagando recuerdo atras.

E aña aki She-Cutie Hernandez a bin pa regla cuenta ganando tur hende cu a para su dilanti y sin miedo. She-Cutie Hernandez a pone hopi bisa den nan mes cu e mucha muhe aki ta bay bira grandi.

Ta tarea di nos refereenan pa saca e best fighternan den cada categoria, specialmente ora cu tin bon bringado y mester scoge e miho di e categoria. E tres refereenan internacional di Aruba: Master Moises Dumfries, Master Eric Barry y Master Augie Tromp a scoge e miho atletanan.

Pabien ta bay na tur e best fighternan cu nan logro.

San Nicolas Taekwondo Center a sali Best Team na e di 10 Ultimate Taekwondo Cup.

Master Eric Barry di San Nicolas Taekwondo Center a scoge e siguiente atletanan: Jonathan Charles, Nishon Dunlock, D’angelo Banfield, Bryan Charles, Myron Adams, Jarron Sint Jago y Williams Constant. Di e 7 atletanan aki algun a logra gana nan pelea y algun a sali na di dos luga y San Nicolas Taekwondo Center a logra sali Best Team na e di 10 Ultimate Taekwondo Cup.

Dr. Guaicaipuro Jimenez Presidente di Aruba Taekwondo Bond a entrega e copa di Best Team na Master Eric Barry hunto cu su team.

 

 

 

- Advertisement -

DUNA COMENTARIO

Please enter your comment!
Please enter your name here