Home Policial Segun Comisario Tjon Kock ainda tin mas material riba “wish-list” pa gobierno

Segun Comisario Tjon Kock ainda tin mas material riba “wish-list” pa gobierno

52
0
SHARE
- Advertisement -

Despues di a haya autonan nobo pa KPA

ORANJESTAD   (AAN): Comisario Vanessa Kock tambe a ricibi e yabinan di autonan nobo di Polis. Mas auto pa Cuerpo Policial y nan kier mas material, mester di nan pa por ta visibel riba caya. Planologie ta un departamento cu pa hopi tempo no a haya auto.

Comisario di polis, Vanessa Tjon-Kock a splica cu ainda nan tin un “wish-list” pa gobierno. Pa departamento di trafico no ta usual cu nan ta haya autonan nobo. Den e caso aki mayoria biaha nan ta haya auto di surveillance dienst. Pa Cuerpo Policial ta un logro hopi grandi cu e biaha aki, despues di tantisimo aña cu e departamento aki ta haya su propio autonan. E ta logra haya e tipo di auto cu nan mes a desea tambe.

Sigur pa Cuerpo Policial ta hopi importante. E departamento aki tambe tin su specialismo y su trabao cu e tin cu eherce. Bo ta ripara e diferencia por ehempel cu nan a haya pickup y e SUV nan. Ta duidelijk tambe pakico planologie mester nan pickup. Los di esaki tin mas material cu e departamento aki lo bay haya y lo bay tin mester pa nan trabao diario.

Normalmente ta ekipa e autonan cu materialnan basico. No mester lubida cu e ta keda un auto di polis. No ta pasobra ta departamento di trafico, pero ta haya cu e mester haci su trabo tambe, asisti e otro departamentonan, mirando cu nan ta departamento uniforma. Automaticamente nan ta haya e materialnan basico pa cada auto cu nan tin.

E autonan cu nan a lease ultimamente a caba. Ta trata di autonan Toyota. E autonan aki tambe a resulta hopi bon. Segun Comisario Tjon-Kock, esaki ta e caso caminda cu nan a cumpra e autonan aki. E ta un proceso. Cada biaha cu ta lease cierto autonan, automaticamente e temporada ta yega cu nan ta haya opcion pa cumpra of no y ta bay pasa over pa pasa un proceso di nobo.

Den e caso aki a bin un Isuzu e biaha aki. Esey tambe ta e caso. Mas material, mas auto cuerpo Policial ta haya, ta cumbini nan. Ta materialnan cu tin mester pa e trabao diario. No ta solamente auto. Manera hopi biaha ta bisa, Polis no ta solamente auto. Si mira e parti di visibilidad, automaticamente mester ta visibel riba caya. Principalmente pa departamentonan uniforma.

Cuido di auto ta algo interno cu hopi biaha ta wak a base di e maneho cu nan tin interno tambe. Bo por hayabo den casonan caminda cu berdad polis ta hay’e sea den un dalmento of otro tipo di casonan cu haciendo su trabao. E momento cu e ta haci su trabao por tuma luga. Hopi biaha ta evalua e situacion pa mira kico a sosode e momento ey cu e por a eherce cu el a haya un accidente, segun comisario Tjon-Kock.

 

- Advertisement -

DUNA COMENTARIO

Please enter your comment!
Please enter your name here