Home General Segun director di compania cu ta opera na Sero Crystal nan kier...

Segun director di compania cu ta opera na Sero Crystal nan kier sinta na mesa pa yega na un areglo

123
0
SHARE
- Advertisement -

ORANJESTAD   (AAN):  Un otro compania cu ta estableci y opera na Seroe Crystal ta Best International, cu ta dedica na coba santo y kibra piedra. Jose Luis Andrade, director di e compania, tambe tabata den Corte diamars mainta pidiendo pa sigui cu e operacion pasobra nan ta perdiendo placa.

Nan ta opera na e sitio for di aña 1995. E no ta algo cu a cuminsa cun’e aworaki. A pidi e permiso for di 2014. Nan ta provee mayoria di compania local cu nan productonan, entre otro pa e proyecto di Green Corridor y Watty Vos Boulevard, cu ta di bon calidad y na bon prijs. Importa e material aki ta sali  hopi caro y ta haci e gastonan hopi mas.

Aworaki caba desde cu nan a haya ordo pa para operacion dia 26 di maart ultimo, hopi mester a cuminsa importa nan material cual a causa cu prijsnan a subi cu 25%. E ciudadano humilde cu kier traha nan cas ta wordo afecta. Nan kier sinta na Gobierno pa yega na un areglo.

Pa loke ta e molester ta e caminda santo, cu ta un caminda publico. Nan ta bisa cu e mashinnan tambe ta haci desordo. Pero tur esaki ta cosnan cu por yega na un solucion riba nan sintando na mesa. E ta haya e impresion cu e habitantenan di Seroe Crystal no kier na un solucion. Esnan cu ta biba den cas cu airco ta pone presion riba henter e pueblo y otronan cu tambe kier construi nan propio cas.

Nan a sinta cu un Taskforce, di Minister Oduber, y despues a combersa cu Minister Bikker, kende kier resolve e problema pa yega na un maneho unda ta soluciona e problema pa Aruba.

Nan ta operando awor riba un area 110.000 meter cuadra cu ta un tereno propiedad. SU limite di tereno ta casi 1 kilometer leu di Seroe Crystal. E ta bisa cu e kier sinta cu Gobierno pa yega na un areglo cu ta beneficio, Aruba y Gobierno.

 

- Advertisement -

DUNA COMENTARIO

Please enter your comment!
Please enter your name here