Home Economia SIAD cu control riguroso riba negociantenan encuanto pago di impuesto

SIAD cu control riguroso riba negociantenan encuanto pago di impuesto

22
0
SHARE
- Advertisement -

Director sra. Luenne Gomez-Pietersz:

ORANJESTAD (AAN) — Departamento di Impuesto tin un team di mas o menos binti funcionario, y tambe tin FIOD team pa casonan di fraude, por ehemplo, companianan cu a bin opera na Aruba y no tin ningun registro di pago di impuesto.

Den entrevista cu nos redaccion, sra. Luenne Gomez- Pietersz, director di SIA, el a splica cu aña pasa tabata tin 20 control cu a resulta den un coreccion di belasting di casi 40 miyon florin. Kiermen 40 miyon florin cu no   drenta di negoshinan cu no a paga nan impuesto, of no tin nan buki na ordo of cu nunca no a entrega un declaracion.

Actualmente e coreccion cu control Impuesto haci pa aña semper ta cay den cifranan miyonario, asina ta e caso di 2016 cu 21 miyon florin y 2017 cu 40 miyon. Esnan cu ta haci negoshi riba Facebook cu no ta registra of esnan cu tin negoshi na cas y ta trece mercancia di afo, nan ta bay haya control p’esey ta recomenda pa bin registra.

Esaki tin atencion di Departamento di Impuesto y e negoshinan aki lo haya nan control. Ta purba di stimula e clientenan mes pa nan bin registra.

Fin di luna di april den conhunto cu Camara di Comercio ta bay tin un seccion di informacion pa splica e comerciante cu ta cuminza un negoshi ki tipo di impuesto e lo mester bay paga den futuro sea ta BBO, BAZV of Inkomstenbelasting, kico ta e papelnan cu e mester tin, con pa registra pa e haya e informacion si acaso e cliente no sa.

E momento cu un cliente haya un control e ta un situacion fastioso, pero si e cliente no ta bin registra of ta mustra cu e no kier paga e ora ey impuesto ta bin cu control severo cu consecuencianan grandi pa e negoshi. E por bira un situacion fastioso pa e comerciante.

Momento cu Impuesto duna informacion, pero deliberadamente e comerciante no ta bin registra nan mes y sigui haci negoshi sin paga belasting.

Ora cu negoshi bay registra e mester tin un registro di Camara di Comercio, si ta un negoshi chikito tin un posibilidad den e ley na futuro unda esnan cu negoshi cu ta genera menos di 12mil fls pa aña lo no mester paga BBO of AZV.

Cu esey lo kier stimula economia, stimula e comerciante chikito pa bin registra nan mes tambe, pero cu no tin di paga belasting y lo por duna nan cierto facilidad. E ley a wordo presenta caba na Ministerraad y ta canando su proceso.

E ta algo cu gobierno y minister a bin ta delibera riba dje, pa wak con por acapara e parti ey di e negociante chikito.

Te asina leu, Sra. mr. Luenne Gomes- Pieterz, directora di Departamento di Impuesto a relata.

 

- Advertisement -

DUNA COMENTARIO

Please enter your comment!
Please enter your name here