Sindicato STA kier un otro Mediador pa caso di ELMAR

    152
    0
    SHARE
    - Advertisement -

    ORANJESTAD   (AAN):   Actualmente sindicato STA tin un problema cu e hecho cu UEA a hinca den e contracto un “Herinrichtingsplan”, algo cu nunca nan di STA lo por acepta. Y esaki ta causando algun problema.

    E tipo di plan aki no ta algo cu por wordo hinca den un contracto colectivo cu ta algo cu mester papia exclusivamente di e derecho y debernan di empleadonan di dicho compania.

    Pero di otro banda, e “Herinrichtinsplan” ta bay perde su validez na momento cu e “Sociaal Protocol” ta cay na awa. Nan a pidi pa sinta na mesa bek y negocia e CAO di nobo pa saca e “Herinrichtingsplan”. Pero e problema cu nan ta confrontando, segun Presidente Diego de Cuba, ta cu e director di e compania e no kier reconoce ni negocia cu e sindicato STA. Ta un realidad, e sindicalista a bisa, cu 90% di e trahadonan a firma un carta cu nan no kier e director ey mas.

    P’esey sindicato STA a pidi un reunion cu Prome Minister di Aruba hunto cu delegadonan STA den presencia di consehero di Gobierno Edison Briesen y Parlamentario Hendrik Tevreden. Den e reunion aki a laga e delegadonan splica kico ta pasando den ELMAR y pakico empleadonan ta contra pa e persona en cuestion sigui como director di ELMAR. El a haya e impresion cu Gobierno a tuma e asunto aki hopi na serio.

    E Herintichtingsplan no por bay manera cu e ta planea, pasobra ta e trahadonan ta esnan cu ta bay sufri. Ainda por ehempel e no tin un Ornograam cu posicion di tur hende. E lo causa tambe cu cierto funcionnan lo disparce, pa cual tin algun hende trahando aworaki den ELMAR pero nan no tin un funcion. Esaki ta cosnan cu STA ta bisa no por, p’esey mester renegocia e CAO y kita e plan aki afo. Pa logra esey mester di un gerente nobo, de lo contrario no ta logra e meta ey. E ta un persona terco y e situacion por bira explosivo. Tur esaki a wordo splica na Gobierno.

    E mandatario a pidi e sindicato tempo y espacio, “pero nos a bisa corda cu espacio ta limita. Si nos no mira un cambio, si nos no mira nan actua manera debe ser, STA y e empleadonan lo bay actua. “Nos a ripara cu tin represalia ta tumando luga y nos a bisa durante un reunion cu Mediador di Gobierno cu nos no tin nada di papia mas cu sr. Henriquez.

    Nos kier otro hende sinta eynan y nos kier un otro Mediador pa atende specificamente cu e caso aki di ELMAR, pasobra di september aña pasa te awo e Mediador actual no por a logra saca su curpa for di e situacion aki. E no por a logra convence e partidonan pa yega na un acuerdo. Pa e motibo ey STA lo bay pidi via Gobierno di Aruba pa haya un otro Mediador pa specificamente e caso di ELMAR.”

    E sindicalista a splica cu tin hopi cos tumando luga den e empresa cu no por sigui. Asina por ehempel, e ta bisa, tin negoshi andando den negoshi di compinchinan. Den esaki Board di ELMAR tin un huiswerk pisa pa haci. A duna tur informacion pa e Hunta di Directiva haci nan investigacionnan.

    “E bala ta den scochi di Gobierno pa haci nan investigacion necesario si loke e sindicato a trece dilanti tin base.” El a sigui pa duna un ehempel cu ta relaciona cu e autonan electronico coriendo rond. E autonan aki ta wordo gecharge gratis y e doñonan di mayoria di e negoshinan di auto electronico ta hendenan cu ta traha den ELMAR, cual STA ta considera un conflicto di interes.

     

    - Advertisement -

    DUNA COMENTARIO

    Please enter your comment!
    Please enter your name here