Home Salud Ta bin hopi cambio na e servicio di Emergencia di Imsan cu...

Ta bin hopi cambio na e servicio di Emergencia di Imsan cu e remodelacion

22
0
SHARE
- Advertisement -

ORANJESTAD  (AAN): Tin biaha ta bisa cu tur hende ta yega Imsan, pasobra  nan kier wordo yuda, mirando cu nan ta warda hopi na hospital.

Segun dr. Joel Rajnherc, director di Imsan, nan no ta ekipo pa haci full tratamento di emergencia cu ta rekeri mas ayudo di cuido intensivo. Esey semper ta referi bek na e coleganan na Dr. Horacio Oduber Hospital y nan ta bay cu ambulance via Imsan.

Pero no mester lubida cu tin eynan tur posibilidad di duna e prome auxilio pa trata e pashentnan, pa stabilisa e pashent y pa percura cu nan ta haya e miho cuido pa nan por haci e viahe pa hospital, na un manera adecua y cu ta prescribi medicamente.

Esey ta un tarea basta grandi y esey danki na Dios no ta sosode tur dia. Loke nan ta haci na Imsan, ta hopi di e urgent care. Cuido urgente, pero no cu ta pone bida mesora na peliger. Door cu tin un sistema di triage, mescos cu na hospital, ora cu ta cla cu pashent y si e pashent mester di mas cuido, ta mas facil pa manda pashent na hospital pa e cuido mas intensivo ey. E cantidad di pashent cu ta wak na San Nicolas, ta bastante grandi.

Ta yega aproximadamente entre 19 mil pa 20 mil consulta pa aña, cu ta basta hopi.

E edificio mes, e departamento mes, a wordo diseña hopi aña pasa. Pesey, den cuadro di e masterplan, ora cu bin yega eynan, ta bay tin un remodelacion, renobacion di e departamento aki completo. E ta bay cambia completamente. Pero durante e periodo ey, lo bay percura cu e remodelacion cu ta tuma luga wordo haci di e manera asina, cu por sigui brinda e servicio completo manera cu ta brindando awo. Esey ta haci en cooperacion cu Baptist Health di South Florida, cu tin hopi conocemento di con pa cambia un luga y sigui brinda e servicio.

Segun dr. Rajnherc, e borchi cu tin poni ta hopi duidelijk pa e pashentnan. Pero no ta laga nan wak un borchi solamente. Nan ta bin pafo y ta splica e pashent verbalmente tambe pakico nan tin cu warda of nan ta wordo yuda mesora. Splica e otro pashentnan cu ta sinta den e wachtkamer, kico ta e situacion, mirando cu esnan mas malo mester di atencion mas lihe, cu ta wordo yuda prome.

E fluho toch ta bay hopi bon cu pashent no tin cu warda demasiado largo. Ta haciendo awo un investigacion pa wak con e tratamento ta cay na agrado di e pashentnan cu ta bin na Imsan. Ta haciendo esey den henter Imsan. No solamente den e departamento di emergencia, pero tambe na dialysis. Tambe na Diabetisch Centrum y tambe na Radiologia. Tur departamento ta wordo incorpora den e investigacion cu ta haciendo, pa mira con ta sirbiendo e cliente, unda por mehora e servicio.

Dr. Rajnherc no ta kere cu e calidad di pashent cu ta bin San Nicolas, cu e pashentnan cu ta bay na hospital. Ta depende di unda e persona ta biba. Pero e pashent ta sinti cu e mester di ayudo na e momento ey y pasobra e ta sinti esey, tin cu efectivamente investiga ki clase di tratamento e mester. Pero na Imsan, nan ta hopi habri cu e pashentnan.

 

- Advertisement -

DUNA COMENTARIO

Please enter your comment!
Please enter your name here