Abusa maltrata hende grandi
ORANJESTAD (AAN): Abase cu un homber lo ta wordo maltrata pa un grupo di mucha homber, diaranzon pasa di mei anochi patruya di Polis Oranjestad a wordo dirigi mesora na Glenn’s’ Take Away.
Patruya na caminda pa Glenn’s Take Away altura di e cas na Seroe Patrishi polis a word para pa un homber. E homber aki ta para hunto cu un homber di edad inicial K. y e ta declara cu e no sa kico a sosode cune, cu su celular mas su potmoni a wordo horta for did je.
Polis a observa cu K. tin su wowonan ta hincha y blousa, tambe e tin corta na frenta y un cap banda drechi tras di cabez. Ambulans acudi na sitio y paramedico a atende e victima y nan a transporte pa prome auxilio na Dr. Horacio Oduber Hospital.
Victima K. ta bao influencia di alcohol y el a wordo avisa pa durante dia e pasa na despacho di recherche pa entrega denuncia. Durante personal di ambulans ta trata K. e otro homber a declara cu un mucha homber color cla, cabey te na nek, T-shirt cora y bermuda shinishi na curpa tabata maltrata K. Despues e mucha homber aki a drenta den un auto Tercel Berde den cual ta sinta e chofer ambos a bay den direccion panort.
Patruya Santa Cruz tambe a acudi na e sitio na unda e delito a tuma lugar y a papia cu un otro testigo y el a declara cu na momento el a yega cas el a scucha gritamento y a wak un Toyota Berde cu “Tinted Glass” ta baha bay direccion panort y a pasa dilanti cas di testigo.
E chofer ta bisti cu paña scur pero e ocupante no tabata visibel. Tur informe a wordo tuma y compila pa agrega na e denuncia pa investigacion inicia mesora.
