Home General Ta reina disgusto den KIA pa basta tempo caba

Ta reina disgusto den KIA pa basta tempo caba

125
0
SHARE
- Advertisement -

ORANJESTAD (AAN): E dianan aki, DIARIO ta na altura di algo cu a pasa na Prison di KIA.  Fuera di esey, tin indicacion cu tanto Sindicato SEPPA como tambe Sindicato TOPA ta na altura di dje.

Esey ta relaciona cu un guardia femenino, kende a worde manda cas. Ta trata di señora Minellie L. Lampe, kende ta labora desde 1 Mei 1997 den e Instituto Penitenciario di Aruba como bewaakster.

El a ricibi recien un carta indicando cu entrante 2 Februari 2018 pa un tempo di 6 siman e no por drenta den ningun localidad, ni e edificio, ni tereno, of vehiculo di servicio di KIA.

E entrada prohibi ta relaciona cu investigacion interno cu nan ta haciendo, y hasta e prohibicion por worde extendi cu 6 siman mas.

Pa colmo e guardia a bolbe haya un otro carta dia 13 di Maart 2018 den cual ta menciona cu di berdad nan ta extende e prohibicion pa 6 siman mas.

Observadornan ta conclui unicamente, cu tin represaya ta tuma lugar den KIA, debi cu el a bay Docter y a avisa esey trempan.  Pero tog mientras tanto e ta worde acusa di “bandona post”, y esey e ta desmenti categoricamente.

Hasta e specialist a papia cu hefe interino riba e asunto aki.

DIARIO a haya sa, cu e guardia a dicidi pa pone su caso den man di abogado debi na e represaya cu ta tumando lugar!  Aparentemente e represaya no ta djis riba e guardia aki, pasobra tin mas guardia lo bin dilanti.

Pesey awor via DIARIO, nan ta laga comunidad sa kico ta pasando den e cuater murayanan di KIA.   No por sigui ofende manipula muy especial hende muhernan uniforma.  Guardia kier pa haci su nomber limpi y e ta keda te aki.

- Advertisement -

DUNA COMENTARIO

Please enter your comment!
Please enter your name here