Home Turismo Temporada di Driekiel a cuminza na Eagle Beach

Temporada di Driekiel a cuminza na Eagle Beach

55
0
SHARE
OLYMPUS DIGITAL CAMERA
- Advertisement -

ORANJESTAD (AAN); Durante e fin di siman pasa e dos di prome neishi di turtuga Driekiel a worde poni na Eagle Beach/ Low Rise Hotel Area. Aña pasa tabatin un neishi na 16 di maart caba.

E voluntarionan di Turtugaruba semper ta cuminza for di 1 di Maart cu e monitoreo di e beach for di Amsterdam Manor te cu Tamarijn. Anto nan ta masha contento cu awor e temporada a cuminza  realmente.

Y e turistanan, specialmente di e Low Rise Hotels tabata sumamente gradecido cu tin actividad di turtuga. Manera hopi di e turista, e turtuganan ta “repeat guests” pa hopi aña largo. E Driekiel (Leatherback Sea Turtle) ta e turtuga marino mas grandi di nos planeta.

Nan no biba den e Caribe, sino den e Oceano Atlantico na unda nan haya su cuminda preferi, esta jellyfish grandi. Pero pa pone webo e turtuga hembra semper lo regresa na su  beach natal.

E ta tuma un 20 aña pa un Driekiel bira adulto y 1 di 1000 naci so lo  sobrebibi te madurez.

Normalmente e turtuga ta subi tera anochi pa pone webo. E tin mester di un beach scur y trankil pa traha su neishi. Laga nos Arubianonan percura cu nos ofrece nos turtuganan awendia, pero tambe aki 20 aña e posibilidad pa regresa na nan beach natal, trankil y scur.

- Advertisement -

DUNA COMENTARIO

Please enter your comment!
Please enter your name here