Home Policial Tio a yuda sobrino ilegal haya trabao na hotel

Tio a yuda sobrino ilegal haya trabao na hotel

239
0
SHARE
- Advertisement -

Nada ta keda scondi

ORANJESTAD (AAN): Presencia di polis a wordo solicita despues di merdia pa alrededor di tres’or trinta na un high rise hotel. Eynan un persona cu no a wordo tuma den servicio cu uniform di un uitzend buro y cu plachi imprimi di otro persona ta traha.

Na yegada polis a papia cu e director  H.R. y e ta declara cu e personal di administracion a descubri un situacion sospechoso.  Segun e version cu un homber inicial P.P. riba 6 di April 2018 a bin cerca nan den nomber di uitzend buro el a solicita pa traha eynan.

Riba 6 di April 2018 e homber a wordo controla segun procedura normal di e hotel a controla copia di su passport  y lo cuminsa traha su dia siguiente. Riba 7 April ta prome dia di trabao di e homber encuestion, pero e dia ey a presenta un otro homber na e hotel y el a hasi manera e ta P.P.

Personal di administracion a bin haya sa cu e mucha homber a bin traha envez di P.P. pa cual den oficina a confronta e mucha homber den oficina y el a keda para ariba cu su persona ta P.P. mientras tin copia di pasport di e persona en cuestion den nan administracion.

Relaciona cu esaki polis a wordo poni na altura y polis a papia cu e mucha homber y a resulta cu su inicialnan ta P.U. y el a admiti despues cu desde 14 Maart  2018 e ta na Aruba ye mester viaha bek 21 di Maart 2018.

Patruya a hiba P.U. warda di polis y a controla su informe via e sistema “Info desk” y Warda Nos Costa. E homber P.U. a resulta di ta ilegal na Aruba segun ambos instancia. Patruya a tuma contacto cu H.R. di e hotel en cuestion pa paga e dianan cu e mucha homber a traha pa regla esaki.

E personal di HR di e hotel encuestion a declara cu e homber P.P. via Uitzend buro e dianan cu a traha lo wordo paga. Mientras tanto P.P. a presenta na warda cu parce e ta tio di P.U.

E tio a declara cu nan sa cu e ta fout (malo), pero nan a risca pa yude traha pa gana placa. Tambe e tio a declara di lo paga ticket  di P.U. E personal di  Warda nos Costa a wordo solicita pa pasa na warda Strandpolitie pa busca  P.U.

- Advertisement -

DUNA COMENTARIO

Please enter your comment!
Please enter your name here