Home Gobierno TNO a entrega rapport di stakeholder consultacion riba maneho di desperdicio

TNO a entrega rapport di stakeholder consultacion riba maneho di desperdicio

84
0
SHARE
- Advertisement -

ORANJESTAD (AAN): E siman aki, TNO Caribbean a entrega un rapport na Minister di Desaroyo Teritorial, Infastructura y Medio Ambiente, Sr. Otmar Oduber, cu e resultado di un consultacion riba maneho di desperdicio. E proyecto aki ta parti di e actividadnan actual di TNO mirando cu e insitituto a keda encarga pa asisti Gobierno di Aruba cu desaroyo di un maneho integral di desperdicio.

Den e cuadro aki Gobierno a pidi TNO pa ehecuta un ronda di consultacion cu asina yama “stakeholders” of gruponan den communicad cu ta worde toca directo door di maneho di desperdicio. E meta di esaki tabata pa comparti informacion cu e stakeholders cu e preceso cu Gobierno ta encamina y pa ricibi perspectivanan di stakeholders cu por ta importante pa esaki.

Durante e periodo februari pa april 2018 TNO a invita diferente gruponan pa e consultacion cualnan ta encera Conseho di ministronan, Commission di Parlamento, Sindicatonan, Habitantenan di e area di Parkientenbos, Organizacionan Non-Governanmental (NGO) pa conservacion di medio ambiente y Organsiacion di Comercio. Tambe di parti di Gobierno e departamento di DNM a participa den e consultacion. Durante e reunionnan a pidi opinion di e stakeholders riba varios pregunta clave y tambe a duna oportunidad na e stakeholders pa comparti cualkier otro informacion cu por ta relevante.

Di parti TNO Sr. Robert Moons, Program Manager y lider di e consultacion, a bisa: “Cu e rapport aki nos ta entrega na Gobierno y e perspectivanan di e stakeholders cu nos a papia cu nan, y e peticion pa tuma esaki den consideracion. Mi kier a gracidi tur e stakeholders nan pa nan participacion. Tin di nan a haci uzo tambe di e posibilidad pa entrega informacion por escritio despues di e reunionan. Naturalmente, en general, esaki ta un proceso participativo caminda stakeholders tin diferente perspectiva cu tin biaha por tin conflicto di interes. Den e maneho cu nos lo recomenda nos ta nos deber pa destila un ruta comun pa acomoda mas tanto di e deseonan den communidad y pa bini cu solucion optimal pa nos pais.”

E Minister encarga, Sr. Otmar Oduber, a bisa: ‘Nos a scoge pa desaroya nos maneho den un forma habri y transparente caminda sigur e perspectiva di gruponan den communicad ta hopi importante. E manera di traha aki ta nobo pa nos pais pero nos ta kere cu asina por yega na e mihor solucionnan. Mi tambe kier gradici e stakeholdersnan  pa nan participacion. Nan perspectiva ta masha importante pa bini na un maneho integral y adecua y responsabel pa nos Pais. Finalmente mi tin cu remarca dos cos, nos lo bini back na e stakeholders ora nos ta mas leeuw y prome cu nos tume decisionnan cu lo impacta e maneho di desperdicio. Tambe lo nos invita mas stakeholders pa un consultacion similar. Mi ta gradici TNO tambe pa e trabaouw aki.’

TNO a expresa cu como parti di su compromiso cu Pais Aruba e lo keda asisti riba e tereno aki pa asina yuda bin na un maneho integral di desperdicio na Aruba uzando su experticio regional y internacional riba e tereno aki.

 

- Advertisement -

DUNA COMENTARIO

Please enter your comment!
Please enter your name here