Home General Trahadornan di Casa del Mar a tene walkout di dos ora

Trahadornan di Casa del Mar a tene walkout di dos ora

150
0
SHARE
- Advertisement -

ORANJESTAD(AAN): — Diahuebs tabata tin un walkout di e trahadornan di Casa del Mar. Rudy Geerman, di FTA, e trahadornan a dicidi di sali, pasobra despues cu e CAO a vence dia 31 di December ta negoshando.

Den dos ocasion gerencia a propone pa bay presenta na e trahadornan nan proposicion. Nan ta bao di un impresion cu e trahadornan lo bay acepta e proposicion ey. Diamars ultimo, a bolbe bay pa di dos biaha. Den e caso aki e trahadornan a rechas’e completamente.

E CAO ta 90% cla cu un duracion di 3 aña. Tur locual cu ta aumento, ya caba e partidonan a yega na un acuerdo. Unico punto cu e partidonan no por a yega na un acuerdo ta e cantidad di añanan di servicio cu na momento cu un trahado yega 40 aña, cual den servicio di e hotel tin hendenan cu tin 30, 40 of 45 aña.

E trahadornan a bisa cu nan kier haya un tiki mas miho pago pa esey. Gerencia di su parti ta bisa cu na e momento aki e no ta paga mas. Esey a conduci cu e trahadornan a protesta.

Na momento cu e protesta aki caba, pasobra ta protesta pa 2 ora, e ora lo manda un carta pa gerencia, pidi un reunion y ta spera cu pa den e proximo oranan, partidonan por sinta. Ta e diferencia di locual cu ta pidi y di locual cu gerencia a duna, no ta hopi.

Consecuentemente bo mester por haya otro y e ora ey bo ta yega na un acuerdo, bo tin un contrato colectivo di 3 aña y e ora tur cos lo por draai bek e ora.

Ta trata aki di un grupo di 70 pa 80 trahado, pero no tur ta miembro, aunke mayoria si. E accion no ta pa perhudica e hotel.

E accion ta djis pa mustra e malcontento. Pero si gerencia no kier scucha, consecuentemente e proximo accion lo ta mas. E ora ey ta paralisa henter e hotel. Na e momento aki no kier haci’e.

Kier sigui duna servicio, pero toch kier demostra nan mal contento. Esey ta pasando, segun Geerman.

 

- Advertisement -

DUNA COMENTARIO

Please enter your comment!
Please enter your name here