Home General Un biaha mas Magic FM ta bin cu Hand-A-Thon pa gana un...

Un biaha mas Magic FM ta bin cu Hand-A-Thon pa gana un Chevrolet Aveo

39
0
SHARE
- Advertisement -

ORANJESTAD (AAN): E competencia di “Hand-A-Thon” tey bek!  Den pasado algun hende a yega di gana auto, y hasta un cas djis door di mira kende ta keda cu su man mas hopi poni riba dje, y esun cu a keda ultimo ta bira ganador.

E emisora local Magic FM e aña aki ta celebrando su 20 aña di existencia a tuma e iniciativa di trece back un di e prome actividadnan cu den pasado a yega di organiza exitosamente cu ta famoso Hand-A-Thon, pero e biaha aki den un version 3D.

A tuma tempo pensando kico special pa organiza y a haci pregunta y a kibra cabes kico pa organiza na ocacion di 20 aniversario di e emisora. Un auto nobo nobo como premio lo worde entrega back na comunidad na e oyentenan cu semper ta cu Magic.

E aña aki a dicidi di bin cu un di e eventonan cu mas a hala atencion y publico cu modelo 2018 di autonan di Stern Automotive Enterprises. E biaha aki e ta bira un brand new Chevrolet Aveo 2018.

Semper ta consiente cu e cultura di health and sport, salud y deporte, e concientisacion riba e area aki a crece inmensamente na nos isla y nos ta pensa cu lo por tin varios figura deportivo den e evento, cual lo haci e reto ainda mas pisa.

E lo ta un evento super excitante y intrigante.

E biaha aki lo tin un maximo di 12 pa 14 participante cu a registra y / of a gana nan participacion via e companianan patrosinador, ta ser saca for di e Tombola Magico, y na unda lo pone e forsa y resistencia fisico traha. Aki e curpa y mente humano ta na prueba. Tin un record di 65 ora cu lo mester keda sobrepasa. Esaki lo ta estilo Last Man or Woman standing.

E gran final lo ta den forma di un festival di musica y ambiente cu bandanan local, Dj’s, tentnan di cuminda y bebida, kids corner, show di baile y mas.

E Hand-A-Thon 2018 ta stipula pa tuma lugar 30-31 Augustus y 1-2 September 2018 pero nan lo duna tur detaye for di awo caba. Henter e programa lo tin asina 4 luna di promocion extenso, cu ta worde cataloga un “Na Caminda pa Handathon 2018”. Esaki lo sirbi tambe como lunanan di actividadnan fisico, entre otro training na gym, seminario di healthy eating, yoga na beach y mas pa e participantenan.

 

- Advertisement -

DUNA COMENTARIO

Please enter your comment!
Please enter your name here