Home Parlamento Un suma di 34 miyon florin parti den 2018 y 2019 lo...

Un suma di 34 miyon florin parti den 2018 y 2019 lo wordo inverti den “Social Crisis Plan”

29
0
SHARE
- Advertisement -

Parlamentario Treveden a splica:

ORANJESTAD (AAN) – E siman aki tabata tin tratamento di presupuesto 2018, manera tur hende na Aruba sa. Diaranzon den e sala di conferencia di Parlamento, fraccion di MEP a tene su conferencia di prensa den cual a elabora tocante e tema aki.

Parlamentario sr. Hendrik Treveden,   a cuminza bisando cu e siman aki tabata hopi pisa pa Parlamento, pero a logra sali afo riba un nivel nobo y cu miras positivo pa futuro. E Parlamentario a enfoca riba e compensacionnan cu ta bin hunto cu e aprobacion di presupuesto.

Lo bay tin un rebaha di prima pa pensionadonan, cu ta haya un suma maximo di 30 mil florin pa aña. Esaki ta un reduccion di 10.5% pa 6.5%. Lo aumenta 25 florin di reparative toeslag pa esnan cu tin un entrada bao di 2.500 florin. Tambe lo aumenta e canasta basico y esaki ta bay hunto cu un control estricto riba prijs, vooral den supermercadonan, y esaki pa evita cu lo bay  probecha durante e periodo di cambio y di e Crisis Heffing temporal.

Tambe lo haci e hacimento di negoshi mas facil y atractivo pa e inversionistanan.

Otro factor cu e Parlamentario a concentra riba dje, ta e area social cu tambe a wordo atendi den e presupuesto. E parlamentario a subraya cu na su parecer, esaki ta e prome biaha na Aruba cu nos pais ta den un situacion asina serio.

Treveden a subraya cu Gabinete Wever-Croes a dicidi cu den nan maneho lo pone 34 miyon florin adicional, pa por asisti e problema social existente. E suma aki lo wordo parti den dos aña. Kiermen pa 2018, 17 miyon florin y pa 2019, 17 miyon florin. E meta di e plan aki ta pa trece mas trahador social riba veld, pero tambe implementa un “Child care protected system” pa proteha nos muchanan.

Esaki ta asina importante, e Parlamentario a señala, pasobra actualmente na Aruba tin un lista di spera di mas of menos 200 mucha, y riba dje tin 120 mucha cu ta den problema agudo y cu mester di ayudo di biaha.

Pero e situacion ta asina critico cu no por brinda nan ayudo pa motibo di, entre otro, Infrastructura, cu no tin lugar pa pone mucha pasobra no tin suficiente personal door cu e sistema a keda pega.

Pesey ta importante pa Parlamento enfoca y informa pueblo di Aruba, cu e gobierno aki ta bay inverti e suma menciona specialmente riba e area social pa asina por cuminza na un manera diligente y structura e problemanan social cu ta real na Aruba.

E prome stap lo ta intervencion, cu ta un suma total di 4.1 miyon cu ta bay pa atende y screening e mayor y e famia for di momento cu e baby nace, pa tin un indicador kico ta e posible amenaza cu tin, pa evita cu despues e mucha ta drenta den un problema social cu lo por lamenta.

E siguiente stap lo ta e parti curativo (represieve-curatieve hulp) den cual lo inverti un total di 10.8 miyon florin cu ta inclui e dos añanan di spera y tambe e 120 cu mester di ayudo inmediato.

Ta spera cu e suma aki ta bay yuda alivia y baha e lista di spera pero tambe e muchanan cu ta bao riesgo. Esaki lo encera un cantidad di aspecto, manera e Crisis Opvang pa muchanan cu tin problema di comportacion, etc.

E di tres aspecto cu ta encera un suma di 3.5 miyon florin, lo wordo inverti den e cuido di personanan cu limitacion. Esaki ta un grupo di cuido di cual no ta papia mucho di nan, pasobra eigenlijk, su inclusion ta un poco limita.

“Loke nos kier haci ta inclui nan un tiki mas, por ehemplo duna nan opvang cu nan por ta 24 ora bao di cuido. Nan tin mester di mas atencion posible pasobra nan cuido ta uno pisa. Tin mayornan cu no por cuida nan debidamente, y tambe inclui nan mas den comunidad”, e parlamentario a duna di conoce.

Esaki en linea grandi pa referi na e inversion di 17 miyon durante 2018. E otro 17 miyon cu lo wordo inverti na 2019 lo tin otro eskema.

 

 

- Advertisement -

DUNA COMENTARIO

Please enter your comment!
Please enter your name here