Home Enseñanza YMCA en busca di hende proactivo y dinamico cu por traha den...

YMCA en busca di hende proactivo y dinamico cu por traha den “team work”

19
0
SHARE
- Advertisement -

ORANJESTAD (AAN) — “Young Men’s Christian Association” YMCA di Aruba ta en busca di hende proactivo y dinamico cu por enjoy den un “team work”.

Den combersacion cu Donaly Eddie, supervisor di Kids and Youth’s program na YMCA Aruba el a splica cu YMCA su localidadnan di Dakota y San Nicolas, ta buscando personanan cu ta anima y gusta traha cu mucha, cu ta envolvi den deporte y ta activo.

Ta buscando personanan cu ta traha cu mucha den e parti di educacion, cu por yuda den e huiswerk begeleiding. E persona aki mester ta flexible y cu hopi entusiasma pa traha.

E posicion aki part time ta depende di cuanto disponibilidad e persona tin pa traha. E edad di e persona cu aplica por varia unda si ta haya hende bou di 18 aña lo por duna e trabou tambe pero mester tin autorizacion di nan mayor.

Personanan cu diploma di EPI cu tin ervaring y/o diploma pa traha cu mucha ta ideal pe tipo di trabou aki den e area educacional cu por yuda e mucha. E horario ta full e siman di Dialuna te cu Diabierna y esunnan bou 18 aña si por traha un par di dia pa siman di manera boluntario, ya cu nan ta bay scol.

Por tuma contacto na e numbernan di telefon 5823072 Dakota of na San Nicolas 5845303, of via ymcaofaruba@gmail.com y tambe por bishita su facebook page: @ymcaaruba.

- Advertisement -

DUNA COMENTARIO

Please enter your comment!
Please enter your name here