Home General 4 compania a haci oferta den e destaho publico pa vehiculonan di...

4 compania a haci oferta den e destaho publico pa vehiculonan di Serlimar

43
0
SHARE
- Advertisement -

ORANJESTAD(AAN): Diabierna merdia a tuma lugar un destaho publico na Serlimar na San Nicolas pa loke ta 18 truck di sushi (percela 1), 4 asina yama roll off trucks(percela 2) y 2 skid-steer loaders (percela 3).

Un total di 4 compania a participa na e destaho, pa por haya e un acuerdo di huur-compra cu Serlimar.

Ta trata di AiS, N.V Arubaanse Wegenbouw Maatschappij, R.E Irausquin & Sons Aruba N.V  y Garage Central.

E companianan por a entrega nan oferta pa 1 of 2 di e asina yama percelanan, of pa tur 3.

Notario Ted Johnson tabata encarga cu e proceso Diabierna, unda cu el a saca e ofertanan for di e envelopnan y a menciona e suma di e ofertanan.

E prome cu Johnson a habri tabata e oferta di N.V Arubaanse Wegenbouw Maatschappij.

Nan oferta pa percela 3 (2 skid-steer loaders) tabata pa 2 loader di marca Bobcat cu lo costa 5,489 florin pa luna si e contrato ta di 4 aña y 4,710 forin si e contrato ta di 5 aña.

Pa percela 1( trucknan di sushi) nan oferta ta basa riba e marca di truck Scania P-250 y ta 17,385 florin pa luna basa riba un contrato di 4 aña y 14,918 florin pa 5 aña.

E di dos oferta cu a wordo habri tabata di R.E Irausquin & Sons Aruba N.V.

E oferta cu nan a entrega pa percela 1 ta basa riba e marca Freightliner y e suma di huur/compra pa 13 truck den 4 aña ta 10,351 florin y pa 5 aña ta 8,685 florin.

Banda di esaki e oferta ta pone cu pa 5 truck tambe di Freightliner e acuerdo di 4 aña lo ta 10,387 florin pa luna y pa 5 aña esaki ta 8,714 florin pa luna.

Pa percela 4 cu ta 4 roll-off trucks di marca Freightliner tambe, e acuerdo di huur/compra ta 10,582 florin pa luna pa 4 aña y 8,877 florin pa luna.

E oferta di tur e companianan a bin cu un garantia di pieza y Irausquin & Sons banda di esaki a hasi un oferta tambe sin garantia.

Pa percela 1 (13 truck) e oferta  sin garantia di pieza ta 9,089 florin pa luna pa 4 aña y 7,610 florin pa 5 aña.

Pa percela 1 (5 truck) sin garantia di pieza e oferta pa 4 aña ta 9,224 florin pa luna y pa 5 aña e ta 7,640 florin pa luna.

Pa percela 2 e oferta pa 4 aña ta 9,770 florin y pa 5 aña ta 8,091 florin.

E compania a entrega un oferta pa un otro modelo tambe pa percela 1 (13 truck).

Pa 4 aña esaki ta Sali 8,965 florin y pa 5 aña esaki ta 7,425 florin pa luna.

Pa e 5 trucks di otro modelo e oferta pa 4 aña ta 8,886 florin y pa 5 aña e ta 7,359 florin pa luna.

E tercer oferta tabata di Garage Central Aruba.

E compania aki su oferta di 4 aña pa percela 3 (2 vehiculo skid-steer loader)  tabata basa riba e marca Hyundai, unda cu e suma di huur/compra ta di 2,265 florin pa luna.

Pa 5 aña e ta 1,960 florin pa luna.

E ultimo oferta tabata di AiS Leasing Enterprises N.V.

Nan oferta pa percela 1 (trucknan di sushi) ta basa riba e marca di truck International, unda cu e suma di huur/compra pa 4 aña ta 10,938 florin pa luna y pa 5 aña esaki ta 9,239 florin y 40 cent pa luna.

Pa percela 2 (4 roll-off trucks marca International) e oferta di  4 aña di AiS ta 11,934 florin pa luna y pa 5 aña esaki ta 10,081 florin y 50 cent.

Pa percela 3 (2 skid-steer loader di marca JCD), e oferta pa 4 aña ta 4,247 y 50 cent pa luna y pa 5 aña e ta bira 3,587 florin y 90 cent pa luna.

 

 

 

 

 

 

 

 

- Advertisement -

DUNA COMENTARIO

Please enter your comment!
Please enter your name here