Home Hudicial Abogado ta cuestiona un forma di abuso di poder di Ministerio Publico

Abogado ta cuestiona un forma di abuso di poder di Ministerio Publico

190
0
SHARE
????????????????????????????????????
- Advertisement -

ORANJESTAD  (AAN) – Abogado mr. Yarzagaray a dicidi di cuestiona e tactica cu Ministerio Publico ta usa pa logra cu nan ta alarga casonan. E abogado a bisa Hues cu e ta haya cu e forma di actua aki ta mustra un forma di abuso di poder.

CASO DI VIOLACION POSPONI

E homber Venezolano biba na Aruba I. a presenta dilanti Hues pa e caso penal cu Ministerio Publico a cuminsa contra dje. Fiscal a bisa Hues cu ta acusa C.G.I. di a viola un dama riba 13 Januari 2018. Ademas Fiscal ta acusa di intento di viola un dama ilegal y a menaza e dama.

Fiscal a bisa Hues cu e caso ta pro forma pasobra a tuma DNA di e sospechoso I. y ainda e raport di NFI no ta cla. El a pidi Hues pa pospone e caso te dia 24 Augustus 2018 pa 9.30 di mainta.

Abogado mr. Yarzagaray a bisa Hues cu su cliente, I., a bisa cu el a tene relacion sexual pero no tabatin forzamento. Na opinion di e abogado, Fiscal ta bisa cu a manda DNA, siendo cu esey no ta necesario. E abogado ta haya cu no tin prueba.

CUESTIONA FISCAL

E abogado a sigui bisa Hues cu e forma di Fiscal pa pidi pospone e caso, ta otro forma cu Fiscal ta busca ta alarga e caso. E abogado a pidi Hues pa laga su cliente I. liber. Abogado ta cuestiona cu esaki ta mustra un forma di abuso di poder caminda ta viola e reglanan pa trata e caso na tempo.

E abogado a bisa cu e ta haya cu no tin ningun prueba contra e sospechoso.

REACCION FISCAL

Fiscal a bisa cu awor aki no ta al caso si e sospechoso ta culpable of no. El a bisa cu e dama a haci denuncia y el a reconoce e sospechoso. Tin declaracion di testigonan. Fiscal ta haya cu tin motibonan di peso y ta haya cu mester rechaza e peticion di abogado.

DECISION HUES

Hues a rechaza e peticion di abogado. Hues a bisa cu e ta pospone e caso pa dia 24 Augustus 2018. E sospechoso I. lo keda sera te dia di e caso.

 

- Advertisement -

DUNA COMENTARIO

Please enter your comment!
Please enter your name here