Home Salud Accion exitoso cu mas di 300 sterilisacion y adopcion di puppies

Accion exitoso cu mas di 300 sterilisacion y adopcion di puppies

70
0
SHARE
- Advertisement -

ORANJESTAD(AAN): Mercedes de Bruin ta un di e personanan cu ta e vocero di e evento cu a tuma luga na ex Hulp Bestuurskantoor, unda cu nan ta sterilisa cacho den area di Noord. Nan a yega di haci’e otro caminda, y awo nan ta na Noord.

El a splica cu diasabra a cuminsa cu e operacionnan, mescos cu diadomingo y dialuna. Diamars tabata e ultimo dia y diaranson nan lo wordo laga bay.

Nan a haya un cantidad di cacho mama cu nan puppy. Tin un cantidad di puppy cu ta desea pa laga adopta. Algun di e puppiesnan ya a keda sterilisa y vacuna y a haya un cas nobo.

Tur cos a cana bon

Tur cos a cana hopi bon. Nan a siña for di aña pasa y cada biaha nan ta mehorando. A haya varios voluntario nobo y esnan cu tey, ya sa kico tur pa haci. Ta un trabao duro, pero e ta bale la pena. E ta tanto bon pa e cachio y pushinan. No solamente cacho nan a sterilisa, pero tambe pushi.

Cachonan di caya

E cachonan, nan a logra di gara nan riba caya. Pa un una largo a para busca cacho. E cachonan aki ta wordo gara y documenta y despues nan ta trata e cachonan aki, ta pone e cachonan bek unda cu a haya nan.

Segun de Bruin, ya nan tin un aña bezig pa organisa e voluntarionan y tambe busca sponsor pa asina mobilisa tur hende pa yuda. Actualmente e ta bayendo bon. Aunke no tur ora nan tin manpower. Cada man por yuda. Pa otro aña nan lo bolbe haci’e. Si hende cu tin interes pa yuda, ta bon bini. E cachonan ta hopi lief. Nan ta haye bon pa nan wordo cuida. E ta tristo si riba caya y con algun di e cachonan ta bin y ta maltrata y malnutri, yena cu malesa. Nan a haya un cacho chikito cu a come pampers. E ta hopi teribel den cierto caso.

Problema

De Bruin ta pensa cu por ripara cu e problema ta birando menos. Esey ta loke por a scucha di publico. Pero toch e ta keda un problema grandi. Ainda un cacho tefi cu no ta sterilisa, den seis aña por parti 64 mil puppy y ta un cantidad grandi. Cu pushi e ta pio. Si e populacion no wordo wanta, esaki lo keda crece. Lo importante ta pa sterilisa nan.

Costo total

E costo total ta dificil pa bisa, pasobra e voluntarionan ta bin riba nan mes. Nan ta regla nan tempo pa bin eynan y ta haci’e pasobra nan stima bestia. Como fundacion loke nan ta genera, ta placa pa cumpra remedi. Ta purba di haci tur cos sin costo. Ta haya cuminda pa bestia como donacion, tambe nan a haya donacion un boattrip como gradicimento, por ehempel. Na e manera ey ta purba di cubri tur cos pa tur cos por draai.

Cuanto hende

Si ta mira pa dia, tin por lo menos 50 pa 60 hende trahando. Na comienso por mira cu ta un cantidad grandi cu ta trahando duro. Mas cu 300 cacho a wordo sterilisa den e proyecto y tambe cantidad di pushi.

Mensahe

Si bo tin un cacho cu tin cu wordo castra of sterilisa y tambe si ta mira cachonan cu tin cu sigui un tratamento, yama Crioyo Trappers, yama Sgt Peppers, entre otro. Pa nan esterilisa. Ta e unico manera pa stabilisa e populacion di e cachonan.

Lo bin bek

 

- Advertisement -

DUNA COMENTARIO

Please enter your comment!
Please enter your name here