Home Labor Ainda Aruparking tin hopi problema pa falta di entrada

Ainda Aruparking tin hopi problema pa falta di entrada

35
0
SHARE
- Advertisement -

Magaly Britto di SEPPA:

ORANJESTAD (AAN) — Den luna di Januari y Maart Sindicato di Empleadonan Publico y Priva Aruba (SEPPA), tabata tin e prome encuentro riba e tema di Aruparking, ya cu e preocupacion di e trahadornan ta grandi.

Na mei awo ta exactamente un aña despues cu a bin cu decision abrupto di para e actividadnan di e compania aki, apesar di e promesa di gobierno, cu lo keda cubri tur e gastonan of e falta di entrada cu e decision aki por nifica.

Den entrevista cu nos redaccion, sra. Magaly Britto, Secretario General di SEPPA, a elabora al respecto.

Despues di un aña Aruparking tin hopi problema economico door di e falta di entrada, siendo cu aunke nan a bisa pa warda riba esaki pero ya e no ta trece siguridad cerca e trahadornan y nan mes a cuminza bay di e organizacion caba pa e motibo ey.

Minister a priminti un par di siman atras cu na corto plazo lo tuma decisionnan y duna un claridad riba e maneho di parkeo, principalmente den Oranjestad y sigur pakico no riba henter Aruba. Den e ultimo reunion aki a indica na e trahadonan cu nan no ta bay perde nan trabou sino al contrario cu ta bin cu un maneho mas cla y modera, cual lo anuncia den e proximo simannan. Asina e trahado por sinti cu mas siguridad.

Britto ta sigui bisa cu asina ta cu Aruba Parking riba su mes mester ta capaz di produci nan mesun entradanan y keda un compania di Aruba stabil cu por sigura su existencia, caminda cu e tin su importancia, aunke cu aña pasa tabata tin hopi exigencia y argumento pa stop e compania aki.

Un di nan tabata cu no tin hopi actividad den caya grandi y cu e tabata stroba e negoshinan.

Aworaki ta mira cu Aruparking a haya un cantidad di peticion di e comerciantenan pa trece un maneho structura pa e motibo cu esnan cu kier bay Caya Grandi no tin luga di parkeo ora un persona ta bay haci algo den Caya Grandi.

Di otro banda, den Oranjestad tin diferente tipo di actividad cu tambe ta tumando luga, anto tin e mesun problema cu no tin parkeo, y esaki tabata e push di Aruparking pa mustra e necesidad pa tin un structura planifica cu asunto di parkeo y cu algo mester wordo haci.

Cu tin dolor di cabes of preocupacion di e comunidad pasobra si e ta caro, of e suma cu ta wordo cobra ta di mas, si e asunto di klem, si e ta malo of no, si por bin cu otro solucion, of si acaso turistanan nan v-carnan ta wordo geklem sin cu nan sa e caminda pa cana.

Esakinan ta motibonan valido, pero Sra. Brito ta kere cu e motibo di Aruparking a keda demostra y tin exigencianan pa esaki keda tuma luga.
Gobierno anterior a priminti di hinca placa den Aruparking pa cubri loke ta e perdida y esaki no a wordo haci.

Pa awor, e gobierno actual mester por inyecta placa di e presupuesto, pero e tema ta keda den observacion ya cu ta bisa cu Aruba no tin mucho fondo y esey ta e preocupacion actual.

Pero Aruparking por genera entrada anto poco poco ta keda traha riba esey pa trece un alivio na e compania aki riba nan mes, pa por mantene su mes como un organizacion di pais Aruba. Te asina leu, observacion di Sra. Magaly Britto, Secretario General di sindicato SEPPA.

 

 

- Advertisement -

DUNA COMENTARIO

Please enter your comment!
Please enter your name here