Home Turismo Aki dos siman reunion di AFCA lo tuma lugar na Aruba

Aki dos siman reunion di AFCA lo tuma lugar na Aruba

15
0
SHARE
- Advertisement -

Director di ATA sra. Tjin Asjoe-Croes:

ORANJESTAD (AAN) — Den dos siman, un reunion di AFCA lo bay tuma luga den e siman di 15 di Mei, unda ta bay probecha di enfoca riba e ekipo di benta di Aruba pa e mercadonan di Norte America y Canada, pa sigura cu nan ta completamente up to date cu e producto Aruba.

Sra. Ronella Tjin Ashoe- Croes, director di ATA a elabora riba e tema, den entrevista cu nos redaccion.

El a splica cu ta bay mustra tambe na e agentenan di benta kico ta e desaroyonan cu a tuma luga, recientemente. Pero tambe update, pa medio di diferente presentacion, y principalmente, nan ta encarga pa bay bishita diferente propiedad y negoshi y asina locual cu nan ta transmiti den mercado ta den linea cu locual ta e ultimo desaroyo na Aruba tambe.

Naturalmente, ATA tambe ta keda traha den background, pero esaki ta e team den e mercado principal cu ta bende Aruba y cu, dia aden dia afo, nan tin diferente evento unda nan ta bishita agencianan di biahe of tin eventonan special pa consumidor of pa otro aliadonan riba area di benta.

Asina pues, hopi di e actividadnan aki ta tuma luga den forma structural anualmente, den mercado di Merca y Canada y ATA ta keda zorg pa nan ta update siendo cu tin e ekipo completo cu ta consisti di esnan cu ta traha full time pa Aruba. Tambe tin algun cu ta combina trabou pa ATA conhuntamente cu trabou pa otro negoshi, pero tur ta hopi importante den mercado di Merca.

Den e update ta mustra tur e avancenan y plannan nobo, kico nan cambionan ta y con nan a evoluciona e acercamento den mercado pero ta comparti tambe informacion nobo unda den caso di awe ta bay duna un bista di e vision cu tin ATA den e proximo 4 añanan cu plannan. Y tambe nan a pasa den e diferente resultadonan y obhetivo cu tin premira, entre otro, y asina duna update riba mercadeo y airlift, di kico por spera den temporadanan di verano pero tambe invierno pa e mercado di Merca y e topico di aviacion, segun sra. Ronella Tjin Asjoe- Croes.

 

 

- Advertisement -

DUNA COMENTARIO

Please enter your comment!
Please enter your name here