Home Enseñanza Alumnonan di Maria College a celebra un anochi di exposicion

Alumnonan di Maria College a celebra un anochi di exposicion

30
0
SHARE
- Advertisement -

ORANJESTAD   (AAN): Recientemente alumnonan di Maria College a tene un anochi di exposicion na e scol mes, mustrando di e manera aki nan creacion cu ta bay a base di e materianan cu nan ta haya diariamente na scol.

Segun juffrouw Wolff, docente di Papiamento, tabata tin hopi trabao tras di lomba, pero ta hopi satisfecho tanto di no solamente di e docentenan, pero tambe e alumnonan. El a splica cu den pasado Maria college tabata organisa proyectonan asina caba.

Pero pa basta tempo no a haci esaki mas. Na final di aña escolar pasa, un grupo di docente a bin cu e idea pa haci algo cu e idiomanan. Pero, e idea aki a crece bira grandi y a haci’e pa full e scol. Tur e materianan por a participa den e proyecto aki, asina e muchanan por siña un conexion cu e mundo eyfo.

Docente di Ingles, Juffrouw Oduber, a comenta cu na cuminsamento e muchanan a mir’e mescos como un les. Nan no a mira e idea su tras, pero ora cu nan a cuminsa traha cu e proyectonan, por a ripara e creatividad y talentonan scondi cu e alumnonan tin.

Nan ta bisa nan mes, cu nan a siña hopi, loke cu nan no a siña den klas. Nan a sigui avancenan cu lo uza tambe den futuro, pasobra esey tambe ta un parti di e meta cu kier a logra cu e proyecto aki, pa siña cosnan cu nan por logra den nan trabao den futuro.

E meta a wordo alcansa, segun juffrouw Oduber. Nan mester a bay den nan mesun manera. Nan mester a haci investigacion, siña y den nan mes sin mester di tin e docente para dilanti klas y duna informacion. Esey ta e meta, pa haci investigacion y siña di nan mes.

Juffrouw Oduber a splica cu nan ta gradici hopi hende, entre otro e team di Maria College MAVO, docentenan habri y cu hopi energia pa yuda y pa coach e alumnonan. Tambe directiva di scol cu semper tabata tin porta habri pa scucha e alumnonan.

Tambe tur esnan di comunidad, mayornan, cu a motiva nan yiu. Tambe tin organisacionnan cu a yuda pa haci e dia aki y e proceso aki, cu pa e docentenan ta hopi grandi. DOW tambe a yuda coopera cu e scol.

 

- Advertisement -

DUNA COMENTARIO

Please enter your comment!
Please enter your name here