Home Salud Anko Ringeling di AZV: Hospital lo bay elimina e sistema di klasse

Anko Ringeling di AZV: Hospital lo bay elimina e sistema di klasse

258
0
SHARE
- Advertisement -

ORANJESTAD  (AAN): Un preocupacion cu a mira presente ta di e pensionadonan cu ta cay bao di OPPA, cual ta pensionadonan cu ta ex empleadonan publico. Nan ta poco preocupa riba cierto desaroyonan. Den e caso aki nan ta sinti cu AZV ta benta bala pa hospital y vice versa. Anko Ringeling, director di AZV, a splica cu tin di haber basicamente cu seguro di klasse.

E tin di haber cu esnan cu tin den e seguro aki, nan tin derecho riba entre otro un camber pa nan mes, of pa drumi cu dos persona den un camber. For di aña pasa caba, hospital a informa AZV cu den e situacion nobo cu lo tin, cu nan ta bay ubica e pashentnan, a base di otro criterianan medico. Esey tin poco di haber cu por ehempel si un pashent tin hopi atencion di nan dokter, cu e pashentnan ey ta pone nan hunto of por ehempel, si a base di su situacion medico, un pashent por drumi su so, etc.

Criterianan medico nan lo bay uza. Consecuencia di esey ta cu e klasseverzekering, manera ta conoci, lo no existi mas. Esey a haya informacion di hospital. A bisa hospital cu tin consecuencia basta grandi, pasobra tin hende tin klasseverzekering cu ta bisa cu nan tin derecho riba drumi nan so den un camber, of dos persona. Tin klasseverzekering, no por bin cu otro servicio cu en todo caso esnan cu tin un klasseverzekering, ta haya cierto servicio extra.

Hospital a laga sa cu lo pensa esaki. Si no ta asina cu esaki tin consecuencia tin solamente pa OPPA of pensionadonan di gobierno. Tin companianan di seguro comercial cu tambe tin klasse verzekering. E ta bay mas leu cu OPPA. Ora cu OPPA a bin papia cu AZV, a splica nan kico e situacion ta, ora cu a haya sa di hospital, no por obliga hospital. AZV no ta manager di hospital. Ta papia cu nan y bisa nan pa haya mas informacion, cu ta miho pa papia cu hospital directamente, loke a sosode.

Tur esaki ta un consecuencia di un maneho di hospital y den e sentido no tin nada di haber cu AZV. Ta hospital, a base di su maneho, no tin e klasseverzekering mas den e forma cu e persona cu tin e klasseverzekering tin derecho riba un camber pa su mes of pa dos persona, pa maximo. Esey ta bay kita, hospital a bisa.

Tin di compronde mientras tanto hospital tabata tin combersacion cu companianan di seguro comercial y tin di compronde cu te ainda hospital ta buscando wak si tin alternativa pa bin cu servicionan extra pa esnan cu tin klasseverzekering cu no bo ta drumi bo so den camber.

 

- Advertisement -

DUNA COMENTARIO

Please enter your comment!
Please enter your name here