Home Deporte Aruba a logra 4 oro y 1 brons na Surinam Open den...

Aruba a logra 4 oro y 1 brons na Surinam Open den taekwondo

32
0
SHARE
- Advertisement -

ORANJESTAD (AAN) – Diasabra a tuma luga e Surinam Open na Paramaribo den congreshall y Aruba a participa cu 6 atleta caminda Aruba a gana 4 oro y 1 brons. Aruba tin 11 aña consecutivo ta participa na e Surinam Open y e ultimo 8 añanan ta logra oro.

E biaha aki Corsou, Frans Guyana, Surinam y Aruba a participa ariba dos veld. E evento a cuminsa pa 10’or di mainta y a usa e sistema electronico Generation 2 ariba tur dos veld. E uso di e sistema Generation 2 a haci cu e evento a bay lihe y sin complicasion. Aruba a participa cu 6 atleta di cual 3 ta Cadet, 2 ta Junior y 1 ta Adulto.

Danon Delamore a perde su prome pelea contra di Andrew Ajodhia di Frans Guyana.

Joshua Klabér a gana su prome pelea contra di Damien Ligneel di Frans Guyana, despues a perde contra di Corentin Gnofam di Frans Guyana y a keda na tercer lugar.

Rasheed Lowe a gana Keensley Afonseowa di Frans Guyana, despues a gana Neville Yngaard di Surinam pa despues gana Oro for di Mohan Gros Desormaux di Frans Guyana.

Hakeem Lowe a gana prome pelea contra di Jair Jagroep di Surinam, despues a gana Kylian Dorilas di Frans Guyana pa despues gana e final contra di Shadeon Donker di Corsou.

Záhyon Klabér a gana su prome pelea contra di Guillermo Ys di Surinam, despues a gana Oro contra di Germer Altmann di Surinam.

Jourdé Klabér a gana su prome pelea contra di Ericson LieKwie Sjoe di Surinam, despues a gana den final contra di Damiso Rustbeld di Surinam.

Dialuna atardi e team di Aruba a yega for di Surinam y Presidente di Aruba Taekwondo Bond “ARTBO”

Dr. Guaicaipuro Jimenez a ricibi e team na aeropuerto.

Na Aeropuerto a topa cu Master Milton Perez y su casa cu tabata na Aruba den fin di siman pa un campeonato.

 

Dr. Guaicaipuro Jimenez tabata hopi contento pa mira e muchanan cu nan logronan na Surinam.

Awor lo sigui cu e preparacion pa e Europa Tour 2018.

- Advertisement -

DUNA COMENTARIO

Please enter your comment!
Please enter your name here