Home Enseñanza Aruba mester di hobennan profesional den diferente ramo

Aruba mester di hobennan profesional den diferente ramo

28
0
SHARE
- Advertisement -

Parlamentario di AVP, Micheal Lampe: Exito na tur studiante cu nan examen final

ORANJESTAD   (AAN): E examen final a yega pa studiantenan di Aruba y ta un temporada hopi importante. Esaki ta e tempo pa tuma hopi decision riba futuro di e studiantenan y direccion cu nan ta bay tuma den bida pa sigui nan estudio.

Parlamentario di Fraccion AVP, Micheal Lampe, ta kere cu e formacion aki ta hopi importante pa keda enfoca riba e diversificacion di educacion di Aruba. Ta importante pa semper splica cu tin diferente ramo di estudio cu e studiantenan por tuma loke ta trata nan pasion, combinacion di pasion y oke ta potencial den bida.

Eyfo tin estudionan cu ta bon pa tur hende keda informa nan mes riba e diferente tipo di estudio cu por haci. Esaki ta algo importante pa Aruba den e contexto di diversificacion y economia. Mester di hobennan profesional pa bin bek pa traha den diferente ramo di e sector creativo, creative industry, pero tambe den hopi otro ramo. Cu esaki ta importante pa keda enfoca y duna tambe informacion na studiantenan, mientras cu nan ta haciendo e escogencia pa nan estudionan.

“Nos mester duna nan e aporte y sosten pa nan por haci esaki na un miho manera posibel”, asina Parlamentario Lampe ta indica. Esaki tin un balor hopi grandi pa Aruba tambe. E Parlamentario ta haya algo hopi importante y mester keda enfoca cu Gobierno mira e importancia riba esaki. Pa asina Gobierno tambe por pone e energia necesario, e balor na studiantenan, e balor na kico e studiantenan ta bay scoge. Tambe pa Gobierno duna e studiantenan e balor cu nan merece, pasobra e ta un temporada importante y sigur e tin beneficio na e desaroyo pa Aruba.

Parlamentario Michael Lampe ta desea tur studiante hopi exito den e dianan aki cu nan examen. Tambe ta desea e studiantenan hopi exito den nan escogencia cu nan lo haci den e siguiente simannan of a haci esaki caba. “Tur cos bon di aworaki caba pa loke ta trata boso examen y pa futuro tambe. Mi ta sigur cu Aruba lo bay tin hopi na cada un di boso no importa kico bo kies pa bay haci cu bo estudio”, asina el a termina bisando.

 

- Advertisement -

DUNA COMENTARIO

Please enter your comment!
Please enter your name here