ORANJESTAD (AAN) – Diadomingo 29 di April tabatin e di 3 Rental Karts Championship e SWS ‘ Aruba Sprint Cup # 3 ‘ na Bushiri Karting Speedway.
Careda a start pa ser exacto 3:00pm cu e practice round pa despues sigui pa Time Qualifying, Pre-Finals y Finals. E biaha aki tabatin 3 categoria cu ta Fun/Beginners, Light y Heavy.
Durante caredanan tabatin hopi action den tur categoria, den Fun Pre Finals Joao Soarez a domina full a careda na di prome luga sigui pa Delvi Bueno cu tabata hopi serca y den ultimo buelta Delvi Bueno a logra yega Joao unda cu tur dos a spin out na e ultimo buelta, aki ta unda Cesar Tromp a logra pasa tur dos pa termina na di prome lugar.
Den final Joao su start grid tabata puesto number 5 y a demostra di a pasa tur competidor su dilanti y a termina e final na di prome puesto, sigui pa Delvi Bueno y na di tercer puesto Cesar Tromp.
Den categoria light durante e pre-finals e bataya tabata duro entre prome, di dos y di tres puesto unda cu Jozef Arends ex coredor di añanan 70 tabata duna e coredornan jong Dalfito Lisandrina y Nathan Richards hard time.
Jozef Arends tabata dominando e prome puesto durante e prome bueltanan pero Nathan Richards a logra pase den e ultimo bueltanan y ta sali victorioso den pre finals. Durante Finals Nathan a core casi full a careda dilanti pero Jozef tabata hopi serca su tras y hasta unrato a casi pase pero no a logra.
Dalfito a logra pasa Jozef Arends pero Jozef a keda bataya y faltando 2 buelta Jozef ta drenta e penultimo birada demasiado skerpi riba Dalfito sacando e for di pista pa asina pasa finsih line na di 2 luga. Sin pensa dos biaha e Race Director ‘Cedric Croes’ ta penalisa Jozef.
Carlos Augusto a.k.a Racer X di Brazil ta logra pasa pa di 3 lugar pero den e final lap na e ultimo birada riba e stretch yegando finishline Eugene Leonardo Solognier ta logra pasa Racer X pa solamente mitar kart y ta finalisa na di 3 lugar.
Den categoria Heavy, Andre Tromp a.k.a Drago Ras di Aruba ta core ful Pre y Finals dilanti finalisando na di prome lugar. Bataya twt duro pa loke ta trata di dos y di tres luga, aki ta unda Maximilian Nunes a.k.a Mad Max di Brazil y JJ a.k.a Vmax di Inglatera a duna bataya. Pre finals Mad Max ta logra finalisa na di dos y Vmax di tres pero den finals Vmax ta logra pasa Mad Max pa asina sali di 2 y Mad Max di 3.
Pa bahada di solo a hasi ceremonia di premio pa despues un y tur celebra un final di un otro careda exitoso di karting cu e live band ‘Chemistry’.
Pabien ta bai na tur e ganadornan pero tambe tur e participantenan, organisador, y e team completo di e Aruba Sprint Cup!
Nos ta warda boso fin di Mei pa e ‘Aruba Sprint Cup #4, pasa inscribi y sinti e adrenalina di e deporte di karting aki na Bushiri Karting Speedway! The Place to Race!
Resultado:
Beginners:
1st Joao Soarez
2nd Delvi Bueno
3rd Cesar Tromp
Light:
1st Nathan Richards
2nd Eugene Leonardo Solognier
3rd Jozef Arends (penalized one position)
Heavy:
1st Andre Tromp a.k.a Drago Ras
2nd JJ a.k.a Vmax
3rd Maximillian Nunes a.k.a Mad Max
