Aruba ta prepara pa cualkier eventualidad cu por surgi na Venezuela

Minister di Husticia mr. Bikker:

ORANJESTAD (AAN) – Mas y mas incertidumbre ta vislumbrando pa loke ta trata e situacion den nos region, y otro siman lo por wak desaroyonan cu lo ta tumando den nos pais ruman Venezuela.

Asina Minister di Husticia mr. Andin Bikker a expresa (claramente e ta referi na e proximo eleccion presidencial di dicho pais, Diadomingo 20 di Mei awor) y gobierno di Aruba kier ta prepara, en todo caso cu stap di otorga polis mas autoridad, nos pais lo ta debidamente prepara pa proteha nos costanan, e areanan vulnerable di nos comunidad, nos pueblo y nos bishitantenan, door di garantiza e trankilidad pa nos pais y nos turismo.