Home Turismo Aruba Tourism Authority a organiza nan conferencia anual ATCA 2018

Aruba Tourism Authority a organiza nan conferencia anual ATCA 2018

57
0
SHARE
- Advertisement -

ORANJESTAD (AAN): Aruba Tourism Authority (A.T.A.) a organiza nan conferencia anual di turismo, ATCA. E aña aki ta di 34 conferencia di ATCA, cu ta enfoca riba stake holders y agencianan di mercado turistico, como tambe tour operators, hotel, comerciante y aerolineanan di Norte America, cu tin como meta expande benta di producto Aruba den e mercado aki.

Prome Minister, Sra. Evelyn Wever-Croes a duna un discurso di bonbini pa apertura di ATCA 2018, na unda el a gradici esnan pa presente pa atende e conferencia y cu e tin confianza cu Aruba su turismo lo sigui crece.

CEO di ATA, Sra. Ronella Tjin Asjoe- Croes a duna palabranan di bonbini na e representantenan y a duna un presentacion chikito relaciona cu aumento di cantidad di bishitantenan di mercado di Norte America y pasonan cu nan a tuma reforza mercadeo den e region.

Durante e evento tabatin presentacion di CMO di AHATA Jim Hepple, como tambe di James Fazio, CEO Aruba Airport Authority N.V., kende a presenta proyecto di expansion di aeropuerto, “Gateway 2030“.

ATCA ta un conferencia hopi importante pasobra mercado Norte Americano ta representa un 70 porciento di turismo cu ta bishita Aruba, y segun Sra. Ronella Tjin Asjoe- Croes, nan mester sigui tur nan esfuerzonan pa sigui stimula crecemento di turismo pa Aruba.

- Advertisement -

DUNA COMENTARIO

Please enter your comment!
Please enter your name here