Home Salud Asociacion di Boticarionan di Caribe cu di dos bishita na Aruba

Asociacion di Boticarionan di Caribe cu di dos bishita na Aruba

13
0
SHARE
- Advertisement -

ORANJESTAD (AAN) – Nicole Jacobs, boticario y miembro di e Asociacion di Boticarionan di Aruba y Caribe, a duna nos redaccion informacion tocante e bishita di e Asociacion di Boticarionan di Caribe, na Aruba.

“Tin cu menciona cu den salud tin un triangulo cu ta e pashent, dokter y boticarionan, y hunto nan ta boga pa e calidad di cuido di e paciente.

“Esaki ta e di dos biaha cu e Asociacion di Boticarionan di Caribe ta wordo invita pa bin Aruba. E prome biaha tabata na 2012.

E tema lo wordo trata ta: ‘Caribbean Pharmacy On The Move To Innovation’, cu tin un par di aspecto innovativo cu e otro islanan den Caribe no ta haci.

Por ehempel, pa e casnan di hende grandi nan ta uza e ‘back up system’, duna e remedinan den un saco caba apart cu e nomber y e pildora precis den e ora cu e paciente tin cu tume. E ta pa keda guia e pacientnan pa minimiza e foutnan of bruhamento cu por bebe e remedi robes siendo cu tin remedi pa uza den dia y otronan pa anochi” sra. Jacobs a indica.

E dama a sigui splica cu esaki ta un proyecto hopi specifico pa hendenan grandi cu diferente boticanan na Aruba ta haciendo na SABA y otro casnan di cuido. Pero awor aki a bin cu un machine special pa por haci esaki na un manera mas profesional y cu ta cuadra tambe cu sistema na Hulanda.

Awor ta cuminza cu e proyecto pa hende grandi den casnan di cuido pa duna e paciente cu ta wordo vigila di basta tempo caba. Poco, poco, por bay over na e otro mayornan manera esnan na cas. Boticanan di Servicio tin servicio di salud pa e paciente cu mester tratamento tur luna, manera esnan diabetico of cu presion halto.

Pa esaki e boticario ta interactua cu e docternan y por coordina esaki pa tur e paciente bebe nan remedi na tempo pa esnan cu ta den e Casnan di Cuido. E sistema aki tabata wordo haci manualmente, pero awo cu e mashin nobo cu Botica di Servicio a trece, esaki a wordo automatiza. Cu tempo lo por bay den combersacion cu AZV pa ofrece e servicio aki na tur e otro gruponan tambe.

 

 

- Advertisement -

DUNA COMENTARIO

Please enter your comment!
Please enter your name here